Чарами от некия жены дух нечистый хотевши отгнати целый полк в нея вогнаша, и о чистоте. Некая жена от благородных име сына юна и ожени его. По браце же позваша сию на освящение храма святаго мученика Севастиана. Она же восхоте с собою пояти жену сына своего. Нощи же оные младая она, побеждена любостию мужа и похотию телесного, и не возможе воздержатися, с мужем совокупися, ведая же, яко быти ей на освящении. И егда заутра воста, сомнения телеснаго исполнения обличая ю и устрашая и понуждая, да отречется быти при освящении. Стыд же обдержаше и к свекрови сказати не даяше, много мечтая, страх божий преобидев человек устыдевшися и водою не измывся, с свекровию ко освящению мученича храма ехаша. И прибывши во храме ожидаху мощей приношения. Егда же прииде время, и святаго мученика Севастиана мощи во храм внесоша, нападе демон нечистый на младую ону и страшно сию о землю удари. Видев же сие храма того священник, сожалеся о ней, видевши лютое мучение, взем от олтаря убрус, прикры сим сию. И яко над мощ свою дерзну, демон и на него нападе, и научи его, какова бе. Свекровь младыя оныя и сродницы зело огорчишася, и инии ту бывши взяша сию и к дому отнесоша. Дух же лютый и нечистый непрестанно ея мучаше. Муж же ея и свекровь жалостию о ней пронзаеми, телесно любяще и пекущеся, да опять видят ю здраву, к вящей погибели приведоша: начаша бо чаровников и чаровниц призывати, да погубят душу ея, ибо тии, злобы и прелести исполнени, приведоша ю к реце и в воду сию зануряху и многоразличными образы чаров избавления ея губяху. И тако о ней много бедствующе, страшным божиим судом и волею попущения превратными вещьми единаго изгоняющи и целый легеон в нея вогнаша. И от того часа страшно зело мучима, нача различными гласы вопити елико духов нечистых в себе имела,— не могоша ю премногое число человеков удержати. Видевши же сие ближний ея лютое озлобление, познавши грех свой, иже божию помощь оставиша, от человек и врагов богу помощь получити искаху, покаяшася о сем, и повезоша страждущую к человеку божию Фартунату епископу и привезъши, молитвам его и помощи божий вручиша. Епископ же он многи дни и нощи слезы за ню пред богом изливая и сими ю поливая, в кратком времени всецелую и такову здраву своим ея предаде, яко бы над нею душев ный неприятель никоея николиже власти и силы име.

Wielkie Zwierciadło Przykładów [ed. Kraków, 1621], Poświęcenie, V.

• FemmeWomanFrauMujerDonna
• marihusbandEhemannmaridomarito
• belle-mèremother-in-lawSchwiegermuttersuegrasuocera
• FortunatFortunatFortunatFortunatoFortunat
• DémonDemonDämonDemonioDemone
• PossessionPossessionBesessenheitPosesiónPossessione
• dédicacededicationWidmendedicatoriadedicazione
• abstinenceabstinenceEnthaltsamkeitabstinenciaastinenza
• sorcièrewitchHexebrujastrega

Tubach Frederic C., 1969. Index exemplorum. A Handbook of medieval religious tales, Helsinki.:

• #1500 : Dedication attended by matron. A matron, while in a state of sin, is tormented by a devil for attending the dedication of a church to St. Sebastian. H598 # 4; Lib. Ex. # 102; Gregory, Dial. 1, 10. (© Frederic C. Tubach)