Поношение злое прият Агафонник егда еретичеством наречен не терпе прияти. Нецыи от отец приидоша ко святому отцу Агафоннику посетити его, а паче искусити его, слышаще о нем, яко велие имать покорение и беззлобивое смирение, и аще таков есть или ни, и рекоша: «Отче Агафонниче, зело соблажняемся о тебе, како нецыи глаголют, яко горд еси, и прочими гнушаешися и за ничто же вменяеши, о всех зле глаголеши и нечистых вменяеши, яко да не познан будеши, яко сам в том пребываеши». Сия слышав, старец святый отвеща: «Отцы святии, воистинну сия во мне вся злобы растут и укоренишася!» И паде на землю пред ними, прося от них прощения и молитвы, глаголя: «Молю вас, молитеся за мя беднаго, многими грехи отягченнаго, да милостивый господь бог молитвами вашими милостивне отпустит ми вины сия». Слышаху же отцы сия еще рекоша ему : «Да и се ти будет не безизвестно, яко зело много сих от братии, иже еретическое учение держаща тя непшуют и еретика тя быти именуют». Сия слышав, чюдный оный Агафонник зело огорчися и яко пригневен рече: «Аще и различными грехи обътяжен, обаче ни по коему образу несмь еретик, сохрани мя от сего сын божий». Сие слышавши, отцы, падши пред ним, начаша прощения просити и молят его, глаголюще: «Смиренно молим тя, господине, повеждь нам, чесо ради егда великия грехи поведахом на тя, тыже ни на кое же слово наше огорчился еси, егда же прирекохом еретичество, зело оскорбился еси и возгнушался сим?» Тогда рече к ним старец святый: «Отцы и господие, оныя грехи, иже мя укористе ими, во смирении понесох, дабы мя вси паче всех грешнейша разумели, ибо не вем, аще что в делех моих угодно будет господеви богу моему. Еретичества же навет невозможно стерпети, ибо еретичество — отлучение от бога, всякий бо противник, си речь ереси началник, отторгается и отлучается господа нашего Иисуса Христа и не имать бога, сообщается бо диаволу и уже не имать у кого за отпущение грехов своих милости просити, но от всех стран погибает, точию аще навратится к богу и приобщается к соборней кафолической церкви». Сие слышавше, отцы разуму его и крепости покорения и смирения удивишася, и во своя келлии с великою пользою возвратишася.

Wielkie Zwierciadło Przykładów [ed. Kraków, 1621], Heretyk, I.

• accusationaccusationAnklageacusaciónaccusa
• patiencepatienceGeduldpacienciapazienza
• HumilitéHumilityDemutHumildadUmiltà
• HérésieHeresyHäresieHerejíaEresia

Tubach Frederic C., 1969. Index exemplorum. A Handbook of medieval religious tales, Helsinki.:

• #75 : Agathon denies heresy. Agathon admits all sins imputed to him except that of heresy. H583 # 16.– VitaePatrum, VitaePatrum . (© Frederic C. Tubach)