Убогаго работника молитвою некий от вечнаго осуждения свободися. Работник некий убогий себе же и жену и чада денною работою питая, ибо никоего же иного придобытия к житию своему притяжати не ведый, и зело рано изыде на место, идеже работающих наимуют. И никого же обрете, кто бы его нанял, он же помыслив себе и рече: «Пойду ко церкви божий и послушаю святыя литургии, да даст ми творец мой и бог пристойною работою к жизни жития моего что стяжевати, да без греха себе могу жену и чада прекормити». И с таковым ума намерением вниде во церковь божию и продолжися пение. И оному слезныя молитвы своя господеви принесшу, по отпетии же паки прииде на место наятия, ноне в кий час кто бы его наял. И се уже вси работницы наняты и разыдошася. Тогда сий, велиею печалию объят быв, от места оного пойде, сетуя и помышляя, что творити, чим не точию во весь живот свой питатися, но и оного дне себе, жену и чад своих не имея чим кормити. И в таковой печали идущу ему по пути, и се срете его некий богатый человек и вопроси его, чесого ради нигде не наяся. Он же все возвести ему, яко слушая литургии запамятовах о себе и прииде на место, уже времяни наятия минувшу. Богатый же он помысли в себе, яко таковых молитвы добры и приятны суть богу, и рече ему: «Аще тя никто же наят и всуе день прейдет, то, иди, брате, ко святой божий церкви и молися весь день за мя. Аз же яко и прочим работником мзду твою заплачю». Работник же яко услыша сие, с радостию ко церкви поиде и пришед возде руце и припадая на землю весь день моляся за оного богатаго. Богатый же, яко и прочим работником, посла ясти, вечеру же пришедшу, даде ему яко и за дневную работу, точию басман хлеба над прочая надбави. И егда оному работнику идущу от молитвы и у богатаго приимши хлеб, и в дом свой иде, заиде ему путь Христос господь во образе стара человека и рече: «Колико тебе даде человек он за работу и молитв твоих о нем колико быша?» Он же отвеща: «Десять аспрь и един хдеб над прочая». И рече ему являемый человек — Христос: «Иди паки ко оному и рцы, яко не против услуг твоих заплати, и аще не исправится, зле творитися с ним будет». Работник же шед и поведа ему сретение человека и поведенное глагола. Он же усумнеся о сем и даде ему вдвое перваго. И егда отиде, паки предвари его спаситель в том же образе и рече: «Еще твое все не отда, еще не добре заплати». Работник же паки возвратися и се ему возвести. Богатый же, слышав сия, страхом от размышления объят, даде ему сто великих златых и ризу. И к сему не приложи во образе стараго человека Христос к тому явитися, но оныя нощи явися богатому оному Христос, глаголя ему: «Аще не бы сей работник молился о тебе вчерашнего дня, умерл бы еси сея нощи и осужден бы был вовеки в геенне огненней мучитися». Богатый же трепетен воста и нача от видения сего в велицем умилении каятися за грехи своя и наиравися в добродетельное житие, сотвори бо ся великим милостивцем. И тако прежив замеренная лета, в добром исповедании преставися в вечную жизнь.

Wielkie Zwierciadło Przykładów [ed. Kraków, 1621], Jałmużna, XXV.

• PrièrePrayerGebetOraciónPreghiera
• ouvrierworkerArbeiterobrerolavoratore
• ApparitionApparitionErscheinungApariciónApparizione
• ChristChristChristCristoCristo
• richerichreichricoricco
• salutsalvationHeilsalvaciónsalvezza

Tubach Frederic C., 1969. Index exemplorum. A Handbook of medieval religious tales, Helsinki.:

• #3899 : Prayer, man pays for. A laborer stays so long in church, hearing one mass after another that he misses his chances of being hired. A nobleman hires him to pray for him all day. He takes his wages in the evening but is told by an angel to return them since he has earned the kingdom of heaven. H628 # 31. (© Frederic C. Tubach)