О святем Иоанне милостивом чесо ради бысть милостив. Святый Иоанн милостивый патриарх Александрийский, яко презелный милости рачитель, егда о некоем услышит, яко сотворися милостив, обыче таковых к себе призывати и испытовати, аще от естества или от случая, или слыша учение бысть милостив. Сей святаго обычай ведуще, инии прикровенно извествоваху, инии же правду изъявляху. От таковых некий един поведа о себе святому патриарху тако: «Аз, глаголет, всесвятейший отче, нимало что в милостыню подаях, ниже добрая что творя когда, ныне же еже ми господь бог подает молитвами твоими, подаю сицевым образом и случаем: бех убо прежде зело жесток и немилостив, и некогда впадох в превелию беду и от того приидох в великое убожество. Прииде же ми ломысл сицевый, сице в себе разсуждая глаголах: аще бы аз милостив был к бедным и нищим, никако же бы мя господь бог оставил, и оттуду поставил сицевый обет и намерение положил, еже давати на всяк день по пяти пенязей убогим. И яко начах даяти, нача ми запинатель душ наших враг диавол злую мысль влагати и сомнение, и начат помышляти сице: воистинну сия пять пенязей паче бы истрощати на домовое изждивение, еже купити себе и прочим ядь кую, паче же деткам. И что сотворих, яко отъях от уст чад моих потребная им? И тако престах даяти. И некогда паки поразумех, яко грех мя победи, рекох слузе моему: «Молю тя, брате, и приказую: кради у мене, да не ведаю аз, по пяти пенязей на день и давай на всяк день нищим». Слуга же, по наказанию исполня, нача красти яко же рекох, некогда же и сугубо, и егда уведе, яко господь бог мой благослови дом мой, нача красти трегубо и давати, и аз видех человеколюбие божие на мне и благословение дому моего, рекох ко слузе моему: «Брате, воистинну помогоша нам пять пенязей. Хощу да даеши по десяти сих». Он же осклабився рече: — «Господине, молися о крадьбе моей,— воистинну не имели быхом хлеба, аще бы моя крадьба не вспомогла. И аще есть строитель неправды, той аз есмь», и поведа ми, яко над мое приказание трегубо подавая, притвори благость божию всему дому моему. И аз видех веру его, привыкох от всего сердца моего подавати милостыню, и бог, великий в щедротах, не оставляет мя». Сия слыша, святый патриарх зело утешися и рече ко оному: «Веру ими ми, яко премного добрых дел отец и жития исправления читах, но точию толико чюднаго в вас не обретох».

Wielkie Zwierciadło Przykładów [ed. Kraków, 1621], Jałmużna, XVIII.

Ce récit est sans doute un ajout de la traduction polonaise.

• richerichreichricoricco
• voltheftDiebstahlrobofurto
• récompenserewardBelohnungrecompensaricompensa
• AumôneAlmsAlmosenLimosnaElemosina
• serviteurservantDienersirvienteservitore