Некий воин сестричищу своему завеща коня продати и в помяновение дати. Воин некий делный и знаменитый, служа многих великих римских господарей двору, сему провозвестник смерти — болезнь оповеда, яко близ его конец. Сей напомянуся покаятися, призва духовнаго отца и еже разрешит, яко человек согреши з благим умилением и слезами покаяся. Призва же своего сестричища, глаголет ему: «Видиши мя уже в последняя с тобою глаголюща. Завещаю ти и приказую: шестьдесят лет служа римским кесарем , како жих , создатель мой весть, и не имам ничто же, точию единаго коня моего. Молю тя, по смерти моей продай его, а цену его, еже возмеши, раздай нищим за избавление мое». Слыша же сия, сестричищ его обещася тако сотворити, и добрый той воин преставися. По смерти же его, видев оный коня прекрасного, особого, дивностию же возгореся и победися желанием, еже удержати его. Ниже что продаде противу его, ни от своего имения что даде, но почте в наделок себе яко сродник ему бе. Во осмый же день воин умерший явственно показася ему и рече: «Уповая аз верности твоей по причастию сродства поручих тебе души моея попечение,— повелех ти коня моего продати и цену нищим раздати о избавлении моем; ты же яко наветник избавления моего у себе его удержал еси. За сие жаловахся пред нелицемерным судиею на тя и пред ангелы его, яко препону сотворил еси избавления моего; обаче правду судяй бог щедрот своих ради помилова мя и в пределы живота всели мя. Ты же да веси, яко заутра за сие неверие твое о сей и сей године мзду твою приимеши». И тако завещав, неявлен показася. Сие же слушав, сестричищ он в великом стыде бысть, горести же и страсе, что будет ожидая. И се оныя годины, юже назнаменав проповеда, врани страшнии черни и превелицы прилетеша восхитивша его бедне, вознесоша на высокую гору и опустивше сокрушиша его, а душу на вечное мучение занесоша.

Wielkie Zwierciadło Przykładów [ed. Kraków, 1621], Dzień zaduszny, Czyściec abo modlitwy za umarłe, XIV.

• ChevalierKnightRitterCaballeroCavaliere
• oncleuncleOnkeltíozio
• neveunephewNeffesobrinonipote
• ChevalHorsePferdCaballoCavallo
• AumôneAlmsAlmosenLimosnaElemosina
• AvariceAvariceHabsuchtAvariciaAvarizia