Сын видя тело отчее зраки адскими плежущими обстоимо и страшно смердящо отвержеся всего и изрядно поживе. Храм некий в славу божию дан, и еще сему не посвященну, славный света сего человек и князь за некия великий вины проклят от епископа того града и в небытии епископа умре. Повеле себе во оном храме погребсти, и сотвориша о нем, якоже заповеда. И егда прибы епископ еже храм оный посвятити, повеле его, яко проклятаго разгребсти и из церкви изврещи. И егда разгребоша и гроб открыта, узреша вси всестрашную и гнусную жабу, лице его объявшу и грызущу, и многая плежимая — змиеве, ужеве все тело его смоктаху. Сие вси видевше, из храма оного разбегошася. Сын же оного князя юных лет сый, но разум имея старых превосходящи в разуме, услышав сие, прииде и узре сию страшную и гнусную гнусость и злосмрадное зловоние и рачительство плежимых, зело удивися и яко изумлен долго стояв, и сущим ту и ко пришедшим с ним рече: «Сии суть и таковии, то приятели наши и друзи, их же тучат и жирают в нас и роскоши творят и невоздержание наше и сладости ненасыщенный. Сим опочивание творим и жилище себе мягкими постелями нашими и художественным подписанием и обитаем ложниц наших сих творим гордетися над нами и паствитися таковых мерзъских и гнусных различество и избрание ядей наших. Видите, рече, что творится над нами и что сотворим? Не добрейши ли дондеже живи есмы, да не жируют в нас, умертвим сих воздержанием, постом, злостраданием, да отженем от себе слезными молитвами, да дадут нам покой сии страшнии блохи по смерти нашей?» И сия располагая, чюдный отрок он, слезами заливаяся, и в толикое прииде рачение о своем спасении, иже остави начальство свое и всякую благородия честь и славу, и отиде утаяся всех в далечайшую пустыню и многими подвиги обложи себе, чая награждения в животе вечном, выну имея противу всяких прилог, яко некий узрак, тело отчее. И тамо многая лета в пустыни пребыв и сведа тамо о себе взыскание от своих, остави пустыню и прииде в Рим и много взыскуя, како спастися, приста к некоему продающему углие, и толикия в том усердныя подвиги возъиме, яко удивлятися о сем юголнику оному. На плещах бо своих принося и относя, весь день мразом и варом озлобляем, за ними стоя, продавая сих; зелным же постом томя себе, и еже ему господин углие уделяше, он же нарок свой нищим подавая, в молитвах же и слезах непрестанно пребывая. И никто же о нем и о его добродетелех уведа, точию отец его духовный. И в толиком многострадалном житии впаде в болезнь телесную, но и в болезни непрестанныя молитвы возсылая, благодаря бога непрестанно, преставися... И бог мздовоздаятель великий толико его прослави, иже в честнейшем его преставлении по всему Риму сами о себе при всех храмех звоны на мног час звониша. Сие видев, бывый тогда папа Иоанн и вси людие зело удивишася и ужасошася, но духовный отец оного, ведый дивное житие его и преставление, все, еже о нем, папе и людем возвести. Тогда же прилучившися в Риме быти града его жители, честнии человецы и дворяне его, иже оного по всему свету много лет искаша и живаго не налезъши уже мертва обретоша, и тело его издающе благоухание во свою землю с провождением духовных и с честию отнесоша.

Wielkie Zwierciadło Przykładów [ed. Kraków, 1621], Śmierć i umieranie, XXIX.

Dans le Tractatus de diversis materiis praedicabilibus, il s’agit du fils du comte de Crépy.

• ConsécrationConsecrationWeiheConsagraciónConsacrazione
• excommunicationexcommunicationExkommunikationexcomuniónscomunica
• FilsSonSohnHijoFiglio
• PèreFatherVaterPadrePadre
• princeprincePrinzpríncipeprincipe
• évêquebishopBischofobispovescovo
• CrapaudToadKröteSapoRospo
• SerpentSnakeSchlangeSerpienteSerpente
• cadavrecadaverLeichecadávercadavere
• ConversionConversionBekehrungConversiónConversione

Tubach Frederic C., 1969. Index exemplorum. A Handbook of medieval religious tales, Helsinki.:

• #4880 : Toad on count’s corpse. At the consecration of the church at Crépy, the tomb of the Count of Crépy is opened, and a toad is found on his corpse. His son leaves his estates and retires to a life of sanctity in Rome. (See also: 4260). Alpha # 517; H99 # 65, H172 # 62, H435 # 65, H535 # 8, H577 # 40, H579 # 55, H616 # 151, H639 # 8, H645 # 33, H666 # 261, H677 # 18, H690 # 46; Recull # 453. (© Frederic C. Tubach)