О небрегшем спасения своего. Некий монах не брегий своего спасения, его же многократно братия, начальствующий возставляху, глаголюще, да исправится от злых и слабых обычаев своих, но брат оный отнюд не приемля совета спасения. Еще же и прекословен и мерзок всем бысть, обаче не отреваху его от обители, но потребных ради дел его терпяху ему, бе бо изрядный ковачь. Сей пияница бе всеохочий и о хранении самого себе не имея нималаго попечения: во дни и в нощи паче в кузнице безделно многажды лежал, нежебы молитвы подобающыя монахом господеви принес и в церковь божию на славословие и слово божие слышания никогда не приходил, того ради случися ему глаголемое, иже кто с покорением всеохотно в двери церковныя не входит, хотя и нехотя во двери адъския осужден имать внити. Сей пренебрежный смертным объяся недугом и егда приидоша братия посетити его, возопи ко братии зело жалостно, подобно осужденному, и со многим трепетом нача поведати: «Видех, братия,— рече — ад отверст сущ и сатану зело глубоко погруженна в гееньстей глубине, Июду, и Кайафу и прочих, ругающихся господу нашему и убивших его, при нем в вечнем пламени при сих. Ох мне, злополучному, видех место, мне на вечное осуждение уготованно». Сие услышаша, братия во умилении мнозе со слезами начаша ему глаголати о покаянии. «Брате, покайся, молим тя, поне в годину отшествия твоего и дондеже еще душа в телеси твоем». Окаянный же он отчаянный отвеща ко братии: «Уже несть ми времени ко исправлению, егда уже вижду яко суд мой скончася». И сие изрекши, умре, не приим никоего христианскаго таинства, и тако тело его на последних местех обители похранено бысть, по нем же пристоящаго мертвым ничто же сотвориша, ни же отправлению погребения, ниже святыя литургии, но яко некое стерво загребоша. Но да увемы, о колико вeликий бог определи великим разстоянием свет от тмы и тму далече отгна от света. Святый первомученик Стефан правды ради смерть подъемля, виде небеса отверзта, узре величество славы божия и господа нашего Иисуса Христа седяща одесную отца, та вся душа его святая сердечными очесы узревши, да всеохотно и прерадостно умрет. Ох, противным обычаем грешным, яко же и сей презревый свое спасение монах темнаго умыслу и дел, темная имый души своея очеса, при смерти узре чюдеса: преисподнюю и премрачную темницу адъcкую и свое страшное осуждение и да окаяннее погибнет отчаяся своего спасения, не послуша любезна поучения братии, но живым остави память избавления своего погибель, ибо сие разелавися далеко и широко, и многих до покаяния неотложнаго побудило и побуждает, аще кто вечне погубити себе не желает. Дай, Христе боже, да и прочитающии се в покаяние обратятся, да со оным тако осужедни не явятся.

Wielkie Zwierciadło Przykładów [ed. Kraków, 1621], Nawrócenie, VII.

• MoineMonkMönchMonjeMonaco
• forgeronblacksmithGrobschmiedherrerofabbro
• ivrognedrunkardSaüferborrachoubriaco
• contritioncontritionReuecontricióncontrizione
• DésespoirDespairVerzweifelungDesesperaciónDisperazione
• MortDeathTodMuerteMorte
• VisionVisionErscheinungVisiónVisione
• EnferHellHölleInfiernoInferno

Tubach Frederic C., 1969. Index exemplorum. A Handbook of medieval religious tales, Helsinki.:

• #667 : Blacksmith, drunken. On his deathbed a drunken blacksmith sees hell open before him. Pelbart # 271. (© Frederic C. Tubach)