Богатый за безмерныя утехи страшныя муки прия. Повествует Петр игумен к Луниаку, иже монах некий болен люте, и душа его в нем яко не бе на многое время, последи же оживе и сказа, яко душа его восхищена бысть даже до ада, идеже многоразличныя и страшныя муки видев неизреченно вострепета, но ангел, водяй ю, от сего оборонял. «Тамо, рече, видех демонов, пляшущих и смеющихся о погибели души некоего вскоре умерша славна и богата суща, ю же в геенну за собою влекоша, и егда приведоша ю ко князю тмы и оповедаша, яко друга его душю с великим веселием привлекоша, он же, услыша о сем, урадовася и рече: «Приведите ми его и с почестию яко обычай имате на катедре посадите его, возложите же и ризу на него. И посадите его на столце пламени неугасимаго, иже бы егда все море излияся, никако бы угасити могло». Ризу , ю же нань возложиша, толикия же тягости была. И тако бедне оного посадивши, и рече сатана слугам своим: «Идите и якоже пристоит приятелю моему кубок утехи и веселия нашего поднесите». Тогда яко медь разлившуюся в пещи со всяким смрадом смесиша и во уста оного влиша и егда влиша и изыде изо всех составов его огнь несказанный. И егда тако упоиша его, послаша тешити оного блазнев оного, иже при онем утехи строяще. И взяше два рога, ко ушесем его приткнуша, и егда вострубиша, искры огненнии из очес его и из ноздрей сыпахуся премногое множество. По сем повеле его нести в ложницу, да противу любления телеснаго, иже в том всеохочь бе, горькость гееньскую да приимет. Тамо бо всякого рода ложница та гадов наполнена, и толико жарко натоплена, яко и железо распалынееся превосходит. Тыя гадины, приявши его, о, колико гнусно и зело страшно начаша объимати, о колико срамно целоваху, о колико вселюто дотыкахуся удов его, и по всем составом торгаху. Избави нас и удали от сего, всеблагий человеколюбче господи! И тако за вся своя любезности вечне в сицевых мучитися осужден бысть. Мних же, видевый сие, пользы ради и страха, поведая сие многим, да в то же не впадут.

Wielkie Zwierciadło Przykładów [ed. Kraków, 1621], Roskoszy, V.

Cet exemplum est très proche du numéro 47.

• EnferHellHölleInfiernoInferno
• VisionVisionErscheinungVisiónVisione
• supplicetortureQualsupliciosupplizio
• PlaisirPleasureVergnügenPlacerPiacere
• litbedBettlecholetto
• richerichreichricoricco
• boissondrinkGetränkbebidabevanda
• musiquemusicMusikmúsicamusica
• FeuFireFeuerFuegoFuoco

Tubach Frederic C., 1969. Index exemplorum. A Handbook of medieval religious tales, Helsinki.:

• #505 : Bath in hell and rich man. A vision of hell shows a rich man in a horrible bath because he loved his riches too much. H497 # 235. (© Frederic C. Tubach)