Thesaurus Exemplorum
Medii Aevi
Dialogus miraculorum [Strange, 1851]: IV, 77
ExemplumExemplumExemplumExemplumExemplum
Orale: Sicut audivi a quodam viro religioso
Original textTexte originalOriginaltextTesto originaleTexto original
CAPITULUM LXXVII De milite poenitente, quem tentatio arboris vetitae exstinxit, sed non superavit.
Miles quidam, sicut audivi a quodam viro religioso, multa scelera commiserat.
Tandem ductus poenitentia, venit ad sacerdotem, de commissis fecit confessionem,
satisfactionem suscepit, sed susceptam servare non potuit. Cumque hoc saepius
actitasset, die quadam dixit illi sacerdos: Nihil sic proficimus. Dic ergo mihi:
Estne aliquid quod pro peccatis tuis possis custodire? Respondit ille: Est pomus
in possessione mea tali, cuius fructus tam amarus et pessimus est, ut nunquam ex
eo comedere possem. Si videtur vobis bonum, poenitentia mea sit, ut quoadusque
vivam de eiusdem pomis non gustem. Sciens
sacerdos maxime post prohibitionem, excitante carne, vel diabolo, sive utroque,
consurgere tentationem, respondit: Pro omnibus peccatis tuis tibi iniungo, ut
nunquam de fructu eiusdem arboris scienter comedas. Abiit miles, poenitentiam
iniunctam quasi pro nihilo reputans. Sic sita erat ipsa arbor, ut quotiens curiam
suam exiret vel intraret, eandem arborem respicere posset. Respiciendo semper
prohibitionis recordabatur, et recordando mox gravissime tentabatur. Die quadam
ante arborem eandem transiens, et poma in ea considerans, ab eo, qui primum
hominem per lignum prohibitum tentavit et prostravit, tam valide tentatus est, ut
ad arborem quidem veniret, et ad pomum nunc manum extendendo, nunc extensam
retrahendo, totum pene diem contrariis nisibus continuaret. Tandem adjuvante
gratia triumphans, in tantum concupiscentiae
restitit, ut corde coangustato sub arbore
iacens spiritum exhalaret.
NOVICIUS: Si tentatio Adae tam dura fuit, non mirum si
cecidit.
MONACHUS: Graviter cecidit tentationi consentiendo, quia sicut foris
habuit causam impellentem, sic intus gratiam adiuvantem. Haec dicta sint occasione
pomi, propter quod eiecti sunt de paradiso protoplasti.
NOVICIUS: Non minus miror
quod Esau esuriens, propter lenticulae decoctionem, primogenita sua perdidit coram
Deo, quam quod illi propter pomum inobedientes, eiecti sunt de paradiso.
MONACHUS
: Non esuriendo, non lenticulam concupiscendo,
primogenituram suam perdidit, sed per contemtum, quo rem tam pretiosam, tam
indigno pretio, incitante gula, vendidit. Nec nobis hoc debet esse terrori, qui frequenter tali cibo vescimur, et ardenter
sumimus, quia magnum Dei donum est, quando viris delicatis, postquam conversi
fuerint ad Christum, incondita pulmentaria leguminum vertuntur in convivium. Audi
de hoc verbum satis iocundum.
ReferencesRéférencesReferenzenRiferimentiReferencias
Tubach Frederic C., 1969. Index exemplorum. A Handbook of medieval religious tales, Helsinki.:
- #314 : Apple tree and temptation. As penance, a knight was told not to eat an apple from a certain tree. The temptation was so great that his heart finally broke and he died without eating the apple. (Allegory of Garden of Eden). (See also: 3427, 3459). Caes. IV, 74 (scholar), 77; H356 # 62. (© Frederic C. Tubach)
- Related worksTextes apparentésVerwandte TexteTesti correlatiTextos relacionados:
-
- VI, 46.
- Major J., 1611. Magnum speculum exemplorum, Douai. Gula, 13.
- Caesarius Heisterbacensis, Homiliae dominicales [éd. J.A. Coppenstein, 1615], II, p 56.
- Manuscripts / editionsManuscrits / éditionsManuskripte / AuflagenManoscritti / edizioniManuscritos / ediciones:
-
- Strange Joseph, 1851. Caesarii Heisterbacensis Monachi Ordinis Cisterciensis Dialogus Miraculorum. Textum ad quatuor codicum manuscriptorum editionisque principiis fidem accurate recognovit Josephus Strange., Köln-Bonn-Brüssel, vols. 2. vol. 1, p. 244-245..
ImagesImagesBilderImmaginiImágenes (0)
Exempla in this collectionExempla dans le même recueilExempla in derselben SammlungExempla in questa stessa raccoltaExempla de la misma colección:
- TE018491 Dialogus miraculorum: IV, 71
- TE018492 Dialogus miraculorum: IV, 72
- TE018493 Dialogus miraculorum: IV, 74
- TE018494 Dialogus miraculorum: IV, 75
- TE018495 Dialogus miraculorum: IV, 76
- TE018496 Dialogus miraculorum: IV, 77
- TE018497 Dialogus miraculorum: IV, 78
- TE018498 Dialogus miraculorum: IV, 79
- TE018499 Dialogus miraculorum: IV, 80
- TE018500 Dialogus miraculorum: IV, 81
- TE018501 Dialogus miraculorum: IV, 82
Download this exemplum asTélécharger le fichier de cet exemplum au formatLaden Sie die Datei dieses Exemplums im FormatScarica questo exemplum comeDescargue este documento en formato:


Les exempla du ThEMA sont mis à disposition selon les termes de la Licence Creative Commons Attribution - Pas d’Utilisation Commerciale - Partage dans les Mêmes Conditions 4.0 International.ThEMA exempla are made available under the Creative Commons Attribution-NonCommercial-ShareAlike 4.0 International License.ThEMA exempla werden unter der Creative Commons Namensnennung - Nicht-kommerziell - Weitergabe unter gleichen Bedingungen 4.0 International Lizenz.Las exempla de ThEMA están puestas a disposición en el marco de la Licencia Creative Commons Atribución-NoComercial-CompartirIgual 4.0 Internacional.Gli exempla del ThEMA sono messi a disposizione secondo i termini della Licenza Creative Commons Attribuzione - Non commerciale - Condividi allo stesso modo 4.0 Internazionale.