(Fr.) Au temps où le pape Lucius III demeurait à Vérone, Gottschalk, moine à Heisterbach, à l’époque chanoine de la Cathédrale de Cologne, et son frère Everchard, chanoine de l’église Saint Géréon, y vinrent, avec plusieurs autres prélats, pour rejoindre sa cour. Ils remarquèrent peu après que leur hôte sortait presque chaque nuit de la maison avec sa femme et sa fille. Everchard les suivit et découvrit qu’ils étaient membre d'une secte hérétique dont les réunions se terminaient en débauche. Porté à la luxure, Everchard, prétendit être leur disciple et fréquenta les réunions nocturnes pendant six mois. Cependant, quand les hérétiques lui proposèrent de diffuser leur doctrine, il mit fin à ses visites, car ce n’étaient que les femmes qu'il intéressaient.

CAPITULUM XXIV De haereticis Veronensibus.

Tempore Frederici Imperatoris cum Lucius Papa fecisset Veronae civitate Lombardiae moram, multis tam Ecclesiarum praelatis quam regni Principibus ibidem congregatis, et esset ibi Godescalcus monachus noster, tunc maioris ecclesiae in Colonia canonicus, cum fratre suo Everhardo canonico sancti Gereonis, hospes illorum pene singulis noctibus cum uxore et filia de domo propria egressus est. Quod cum considerasset Everhardus, interrogavit nescio quem illorum, quo irent, vel quid agerent? Cui cum responsum esset, veni et vide, secutus est illos in domum quandam subterraneam, amplam satis, in qua multis ex utroque sexu congregatis, quidam haeresiarches sermonem blasphemiis plenum cunctis tacentibus fecit, per quem vitam et mores illorum instituit. Deinde exstincta candela, unusquisque sibi proximam invasit, nullam habentes differentiam inter legitimam et absolutam, inter viduam et virginem, inter dominam et ancillam, et, quod horribilius erat, inter sororem et filiam. Everhardus vero haec videns, utpote iuvenis luxuriosus atque vagus, simulans se discipulum, hospitis sui filiae, vel alteri cuilibet puellae in sermone se coniunxit, cum qua exstincta candela peccavit. Cumque hoc actitasset pene annum dimidium, magister cunctis audientibus ait: Juvenis iste tam studiose frequentat auditorium nostrum, cito habilis erit ad docendum alios. Hoc verbo audito, non amplius intravit. Et, sicut mihi rendit praedictus Godescalcus, cum illum de hoc argueret, respondit: Sciatis, frater, me non frequentare conventicula haereticorum propter haereses, sed propter puellas. Ecce talis est vita et lex haereticorum. Nec mirum, quia non credunt resurrectionem vel gehennam, sive poenam malorum; impune enim transire putant quaecunque agunt.
NOVICIUS: Audivi quod multi haeretici sint in Lombardia.
MONACHUS: Hoc mirum non est, habent enim suos magistros in diversis civitatibus, aperte legentes, et sacram paginam perverse exponentes.