(Fr.) Bertolf de Wittelsbach était un juge excessivement sévère. Un jour, il entendit une voix qui lui ordonna de pendre la première personne qu'il rencontrerait. Cette personne fut son prévôt. Désolé pour le prévôt, Bertolf le condamna néanmoins à mort. Le condamné, se rendant compte qu’il était dans une situation inextricable, admit qu'il l'avait mérité. Il avait, en effet, tué plusieurs personnes et s’était emparé de leurs biens. Comme ce Bertolf était sans pitié, il n’en eut pas à l’égard de son prévot. Plus tard, après avoir assassiné le roi Philippe de Souabe, il fut tué par le maréchal du roi.

CAPITULUM XXVI De Bertolpho Palatino de Wittillinbach, cui divinitus praeceptum est, ut hominem primo sibi obviantem suspenderet.

Bertolphus Palatinus de Wittillinbach iudex erat severissimus, ita ut furibus etiam pro damno unius obuli vitam auferret. Et sicut a quodam Abbate audivi, quotiens exivit, laqueos cingulo suo appendit, ne reorum poena caperet dilationem. Die quadam mane surgens, et laqueum cingulo suo solito subnectens, huiusmodi vocem in aere audivit: Bertolphe, quicunque tibi egresso de castro tuo primus occurrerit, hoc laqueo eum suspendas. Qui vocem pro amine accipiens, mox ut egressus est, occurit ei quidam scultetus suus primo. Quo viso, cum satis doleret, eo quod hominem diligeret, dicebat illi: Doleo de occursu tuo. Quare? Quia suspenderis. Et ille: Quare suspendar? Respondente illi Palatino: Nescio, sed praepara te per confessionem, et ordina de rebus tuis, quia voci divinae resistere non debeo; fille videns aliter esse non posse, ait: Justus est Dominus. Ego plures in domum meam declinantes, insequens occidi, multis multa rapui, nec tibi domino meo unquam fidelis exstiti, neque pauperibus peperci. Et mirati sunt omnes audientes eius confessionem, et cognoverunt in eius morte, peccati poenam esse a Deo. Et quia idem Palatinus sine misericordia iudicavit, cum ultionem Philippi Regis, quem occiderat, ab Henrico marschalco eius interficeretur, misericordiam quaesivit, nec invenit. Non est aequum iudicium, nec a Deo praeceptum, ut minor et maior culpa simili poena plectantur.
NOVICIUS: Jam satis ex his didici, quod Deus peccatum puniat secundum modum et qualitatem culpae.
MONACHUS: Hoc plenius scies in sequentibus capitulis, in quibus nostris temporibus evidentissime punire voluit vitium duplicitatis.