Thesaurus Exemplorum
Medii Aevi
Dialogus miraculorum [Strange, 1851]: IX, 47
ExemplumExemplumExemplumExemplumExemplum
Orale: sicut monachus noster Renerus quandoque scholasticus sancti Andreae in Colonia mihi recitavit...
Original textTexte originalOriginaltextTesto originaleTexto original
CAPITULUM XLVII De femina quae de solo corpore Christi vixit.
Femina quaedam, sicut monachus noster Renerus quandoque Scholasticus sancti
Andreae in Colonia mihi recitavit, ex multa
devotione saepe solita erat communicare. Quae quanto plus cibum coelestem coepit
appetere, tanto amplius corporalem coepit fastidire. Quod ubi
sensit, ex permissione sui sacerdotis singulis diebus Dominicis communicavit. Cui
cibus ille vitalis tantam contulit fortitudinem, ut sine omni esurie corporali
proximam exspectaret Dominicam. Hoc multo tempore actitans, gratiam sibi collatam
praedicto sacerdoti confessa est. Ille vero cum Episcopo loci rem tam mirabilem
recitasset, timens Episcopus aliquid fallaciae esse in causa, sicut vir sapiens
respondit: Cum denuo venerit ad te, loco Dominici corporis hostiam ei porrigas
non benedictam, per quam citius rei huius experieris veritatem. Quod cum fecisset
sacerdos, femina tentatam se ignorans, mox ut domum rediit, tam vehementer esurire
coepit, ut morituram se crederet si non ocius
manducaret. Currens tamen prius ad sacerdotem, et eandem famem peccatis suis
imputans, pedibus illius se prostravit, et gratiam divinitus collatam sibi
subtractam lacrimabiliter exposuit. Quod ubi ille audivit, gavisus valde gratias
egit Deo, qui facit mirabilia magna solus. Et dedit ei verum Christi corpus. Cuius
virtute mox omnis esuries cessit, et gratia subtracta accessit. Episcopus vero
haec audiens a sacerdote, et ipse Deum
glorificavit.
NOVICIUS: Rem recitas valde miraculosam.
MONACHUS: Si Helias
Propheta in fortitudine panis hordeacei ambulavit quadraginta diebus et
quadraginta noctibus usque ad montem Dei Oreb, quid miraris si femina haec incolumis potuit vivere pasta pane vitae
? Multiplex ex illo fortitudo est, non solum animae, sed et corporis. Aliud habes
supra exemplum de virgine de Quido, quae praeter
Christi corpus nihil comedit, excepta uva quam sugebat. In distinctione septima
capitulo vicesimo hoc reperies. Audi nunc rem
satis gloriosam.
ReferencesRéférencesReferenzenRiferimentiReferencias
Tubach Frederic C., 1969. Index exemplorum. A Handbook of medieval religious tales, Helsinki.:
- #2692 : Host, unconsecrated, taken by woman. A woman who has unknowingly taken an unconsecrated wafer is tormented by hunger until the priest gives her the Host. Alpha # 162; CHeist-IX #47; libri8-II #36; H363 # 145, H368 # 45, H613 # 93; Recull # 134. (© Frederic C. Tubach)
- Related worksTextes apparentésVerwandte TexteTesti correlatiTextos relacionados:
-
- Arnoldus Leodiensis, 2015. Alphabetum narrationum, Elisa Brilli (éd.), Turnhout, Brepols. 162.
- Manuscripts / editionsManuscrits / éditionsManuskripte / AuflagenManoscritti / edizioniManuscritos / ediciones:
-
- Strange Joseph, 1851. Caesarii Heisterbacensis Monachi Ordinis Cisterciensis Dialogus Miraculorum. Textum ad quatuor codicum manuscriptorum editionisque principiis fidem accurate recognovit Josephus Strange., Köln-Bonn-Brüssel, vols. 2. vol. 2, p. 201-202..
ImagesImagesBilderImmaginiImágenes (0)
Exempla in this collectionExempla dans le même recueilExempla in derselben SammlungExempla in questa stessa raccoltaExempla de la misma colección:
- TE018965 Dialogus miraculorum: IX, 42
- TE018966 Dialogus miraculorum: IX, 43
- TE018967 Dialogus miraculorum: IX, 44
- TE018968 Dialogus miraculorum: IX, 45
- TE018969 Dialogus miraculorum: IX, 46
- TE018970 Dialogus miraculorum: IX, 47
- TE018971 Dialogus miraculorum: IX, 48
- TE018972 Dialogus miraculorum: IX, 49
- TE018973 Dialogus miraculorum: IX, 50
- TE018974 Dialogus miraculorum: IX, 51
- TE018975 Dialogus miraculorum: IX, 52
Download this exemplum asTélécharger le fichier de cet exemplum au formatLaden Sie die Datei dieses Exemplums im FormatScarica questo exemplum comeDescargue este documento en formato:


Les exempla du ThEMA sont mis à disposition selon les termes de la Licence Creative Commons Attribution - Pas d’Utilisation Commerciale - Partage dans les Mêmes Conditions 4.0 International.ThEMA exempla are made available under the Creative Commons Attribution-NonCommercial-ShareAlike 4.0 International License.ThEMA exempla werden unter der Creative Commons Namensnennung - Nicht-kommerziell - Weitergabe unter gleichen Bedingungen 4.0 International Lizenz.Las exempla de ThEMA están puestas a disposición en el marco de la Licencia Creative Commons Atribución-NoComercial-CompartirIgual 4.0 Internacional.Gli exempla del ThEMA sono messi a disposizione secondo i termini della Licenza Creative Commons Attribuzione - Non commerciale - Condividi allo stesso modo 4.0 Internazionale.