Thesaurus Exemplorum
Medii Aevi
Scala coeli [éd. Polo de Beaulieu, 1991]: 172
ExemplumExemplumExemplumExemplumExemplum
Caritas
L’édition incunable et les manuscrits indiquent « Auctor » comme source.
Original textTexte originalOriginaltextTesto originaleTexto original
Secundo fructificat.
Auctor. Dives quidam fuit semel habens multas possessiones honorabiles et multos filios. Cum enim illi peterent divisionem bonorum, sicut eorum erant quatuor, ita de omnibus bonis fecit quatuor partes. Ex una parte posuit omnia molendina et hospicia, ex alia parte furnos et census, ex alia autem vineas et campos, et exalia unum ortum tantum. Cum igitur contemnerent partem orti eo quod ignorabant ejus virtutes, junior confisus de legalitate patris ortum elegit. Tunc pater: "Ditior es omnibus et perfectiori benedictione ditatus. In hoc orto sunt arbores nunquam fructus perdentes sed semper augentes, ventus non nocebit ei, et omnium fructuum specie habet habundantiam; nec indiget nisi recto et bono custode. " Quod alii audientes reputaverunt se illusos et deceptos esse.
Iste pater est Deus, pater misericordiarum et totius consolationis, et iste pater habet quatuor filios : primus est superbus, secundus est avarus, tercius est lascivus, quartus autem est justus. Sicut ergo pater iste habet quatuor filios, ita etiam bona sua dividit quadrupliciter et cetera.
In una parte ponit honorem cum omnibus bonis intellectuabilibus cum scientia, cum ingenio, cum ratione cum nobilitate, cum potentia.
In secunda parte ponit omnia bona corporalia : juventutem, pulcritudinem, sanitatem.
In tercia parte ponit omnes divitias, omnia genera vestimentorum, ciborum, ornamentorum, deliciarum.
In quarta parte ponit ortum caritatis, in quo sunt omnes arbores virtutum, ventus mortis nunquam nocet, pestilentia ire Dei nunquam ibi percutit, nunquam folia, flores et fructus perduntur ibi, et sic qui minus credit habere plus habet, et qui plus credit habere turpiter est illusus.
ReferencesRéférencesReferenzenRiferimentiReferencias
- Manuscripts / editionsManuscrits / éditionsManuskripte / AuflagenManoscritti / edizioniManuscritos / ediciones:
-
- Polo de Beaulieu Marie Anne (éd.), 1991. Jean Gobi. La Scala coeli, Paris, Editions du CNRS. p. 231.
ImagesImagesBilderImmaginiImágenes (0)
Exempla in this collectionExempla dans le même recueilExempla in derselben SammlungExempla in questa stessa raccoltaExempla de la misma colección:
Download this exemplum asTélécharger le fichier de cet exemplum au formatLaden Sie die Datei dieses Exemplums im FormatScarica questo exemplum comeDescargue este documento en formato:
Les exempla du ThEMA sont mis à disposition selon les termes de la Licence Creative Commons Attribution - Pas d’Utilisation Commerciale - Partage dans les Mêmes Conditions 4.0 International.ThEMA exempla are made available under the Creative Commons Attribution-NonCommercial-ShareAlike 4.0 International License.ThEMA exempla werden unter der Creative Commons Namensnennung - Nicht-kommerziell - Weitergabe unter gleichen Bedingungen 4.0 International Lizenz.Las exempla de ThEMA están puestas a disposición en el marco de la Licencia Creative Commons Atribución-NoComercial-CompartirIgual 4.0 Internacional.Gli exempla del ThEMA sono messi a disposizione secondo i termini della Licenza Creative Commons Attribuzione - Non commerciale - Condividi allo stesso modo 4.0 Internazionale.
