ThEMA | Source

Caesarius Heisterbacensis, Dialogus Miraculorum

Table of ContentsTable des matièresneeds transneeds transneeds trans

DISTINCTIO PRIMA. DE CONVERSIONE

CAPITULUM XVII De conversione auctoris huius opusculi.

Eo tempore quo Rex Philippus primo vastavit Dioecesim Coloniensem, contigit me cum domino Gevardo Abbate de Monte sanctae Walburgis ire Coloniam. Et cum me in via cum multa instantia hortaretur ad conversionem, nec proficeret, retulit mihi visionem illam gloriosam Claraevallis, in qua legitur, quod quodam tempore messis, cum conventus in valle meteret, beata Dei genitrix virgo Maria et saneta Anna mater eius ac sancta Maria Magdalena de monte venientes, quodam viro²³⁹ sancto, qui stabat ex adverso, aspiciente, in vallem eandem in magna claritate descenderunt, monachorum sudores terserunt, flabello²⁴⁰ manicarum suartim ventum admoverunt, et reliqua quae ibidem posita sunt. Sermone huius visionis in tantum motus fui, ut Abbati promitterem, me non venturum nisi ad eius domum gratia conversionis, si tamen Deus mihi inspiraret voluntatem. Astrictus tunc fueram voto peregrinationis ad sanetam Mariam Rupis Amatoris²⁴¹, quae maxime me retinuit. Qua post menses tres expleta, nullo amicorum meorum sciente, sola Dei misericordia me praeveniente et promovente, ad Vallem sancti Petri veni , et quod sermone concepi²⁴², novicius factus opere ostendi. Simile pene contigit fratri Gerlaco de Dinge, monacho nostro²⁴³.
NOVICIUS: Non erit inutile his qui adhuc in saeculo sunt, exempli gratia talia audire.

Notes:

²³⁹viro om BC.
²⁴⁰DP flabellis.
²⁴¹CP Salvatoris, B antodoris. Rupes Amatoris, Rocamadour in regione Cadurcorum, fuit ordinis S. Benedicti coenobium, Nostrae Dominae dedicatum. Conf. infra VII, 24. Vit. S. Engelb. I, 9. p. 304.
²⁴²DP conceperam; mox C effectus.
²⁴³verba Simile - nostro om C.

Indexed exemplum: TE017845