ThEMA

Thesaurus Exemplorum
Medii Aevi

Caesarius Heisterbacensis, Dialogus Miraculorum

Table of ContentsTable des matièresneeds transneeds transneeds trans

DISTINCTIO QUARTA. DE TENTATIONE

CAPITULUM XI De vetula, quae per choream verbum crucis a magistro Arnoldo prolatum impediens et irridens, infra triduum defuncta est.

Cum1395 esset idem Arnoldus Pastor in Burgende, quae est villa Duentiae1396, et in die Apostolorum Petri et Pauli, eius parochiani quendam ludum1397 annuum in choreis et musicis instrumentis recolerent, ipse iam habens praedicandi auctoritatem, cum cruce ad choream accessit, et ut a ludo diaboli recederent, omnes monuit, rogavit et praecepit. Qui cum in eodem loco praedicare coepisset, quidam obedientes ad praedicationem eius venerunt; alii cum indignatione recedentes, contra choream steterunt; nonnulli in sua pertinacia permanserunt1398. Inter quos erat vetula una stulta ac superba, quae quotiens ad1399 sacerdotem Domini in chorea circueundo venisset, contra eum1400 respiciens cantando subsannavit. Quae infra triduum subito defuncta est. Quam vir sanctus sic deflevit, ac si manibus suis1401 illam exstinxisset. Per vitium superbiae multos diabolus tentat. Unde studendum est omnibus, maxime religiosis1402 et claustralibus, ut sic se in verbis, in gestibus, in vestimentis, et in ceteris omnibus, quae ad usum exteriorem pertinent, exhibeant, ne apud saeculares in vitio superbiae notabiles fiant.

Notes:
  • 1395 B dum.
  • 1396 Duentia, vulgo Twente, pars est provinciae Transisalanae, id est, Over-Yssel.
  • 1397 CR ludum quendam.
  • 1398 AP remanserunt.
  • 1399 CR ante; conf. V, 4.
  • 1400 BCR illum.
  • 1401 manibus suis om BCR; mox CR eam.
  • 1402 CR religiosis maxime.
Indexed exemplum: TE017997
This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 Ce travail réalisé sous la direction de J. Berlioz, M. A. Polo de Beaulieu et Pascal Collomb est mis à disposition sous licence ETALAB Licence Ouverte 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0 This work directed by J. Berlioz, M. A. Polo de Beaulieu, and Pascal Collomb is licenced for use under ETALAB Open License 2.0
Powered byPropulsé parPowered byPowered byPropulsado para