Thesaurus Exemplorum
Medii Aevi

Loquente me die quadam cum viro valde religioso ex conversis nostris, de his qui frequenter in choro nostro¹⁵²⁷ dormiunt, ipse mihi respondit: Sciatis pro certo, quod somnolentia illa ex diabolo est. Die quadam tempore aestivo, cum laudes decantarentur, vidi in dorso fratris Wilhelmi, qui libenter ibi dormit, clara die serpentem serpere, et statim intellexi quia diabolus esset, qui in eius somnolentia pascebatur. Huiusmodi visionem, teste fratre Richardo, dicebat se de eodem converso saepius vidisse. Conversus, qui haec vidit, vocabatur Conradus, vir bonus et iustus, de quo multa excellentiora tibi in distinctione octava¹⁵²⁸ recitabo. Multos per somnolentiam tentat diabolus et vexat, et hoc in diversis formis.