Thesaurus Exemplorum
Medii Aevi

Eodem tempore domus in Hemmenrode, mater nostra, non minorem caritatem, imo tanto maiorem, quanto ditior fuit, pauperibus exhibuit. Tanta enim fames pauperes premebat, ut mulieres praegnantes ante portam in nemore pariendi tempora implerent. Christus vero non immemor illius¹⁷²⁶ promissi: Date, et dabitur vobis¹⁷²⁷, quia largi erant in dando, largam illis missit eleemosynam. Gerardus enim Praepositus sancti Simeonis in Treveri moriens circa sexcentas¹⁷²⁸ libras argenti illis legavit, ex quibus centum ad portam in usus pauperum sequestravit. Portarius vero centum libras suas recipiens, non ex eis vineas vel agros, sed totidem maldra siliginis apud confluentiam comparavit, quitus satis sufficienter usque ad¹⁷²⁹ messem pauperes sustentavit.