Thesaurus Exemplorum
Medii Aevi

Magister Absalon vir honestus et literatus, in ecclesia sancti Victoris Parisiis canonicus, ante hos annos in Sprenkirsbach¹⁸⁵⁷ Abbas est electus. Est enim idem monasterium in Episcopatu Treverensi. Antequam idem Absalon in locum electionis suae veniret, unes ex fratribus in visu noctis vidit, quod candela ardens praefatum monasterium intraret, quae suo lumine omnium fratrum candelas exstinctas¹⁸⁵⁸, quas in manu tenebant, reaccenderet. Interpretatio visus talis¹⁸⁵⁹ erat, quia is adveniret, qui disciplinam dissolutam repararet. Factus vero Abbas, honestas consuetudines, quas in suo monasterio didicerat, induxit, inter cetera praecipiens, ut tam suae congregationis fratres quam subiectae sorores, nec non et Praepositi earum, ab escis carnium omnes¹⁸⁶⁰ abstinerent. Contigit post haec¹⁸⁶¹ quandam saecularem matronam religionis habitum in Insula saneti Nycholai¹⁸⁶² suscipere. Pertinet autem idem monasterium ad Sprenkirsbach. In die reclusionis supradictae feminae, amicis eius cum Praeposito sanctimonialium¹⁸⁶³, nomine Florino, vira pinguissimo, et bene mihi noto, convivantibus¹⁸⁶⁴, cum ipsi carnibus vescerentur, et ipse piscibus propter mandatum Abbatis sui Absalonis, videras in scutella clerici iuxta se¹⁸⁶⁵ sedentis carnium assaturam, concupivit, immissaque manu morsellum rapuit, et cum quadam iocunditate in os suum misit. Mox iusto Dei iudicio idem morsellus in guttur inobedientis integer descendit, ita ut meatum eius obstruens, nullo conatu posset in os revocari vel deglutiri¹⁸⁶⁶. Quem de mensa trahentes, cum iam eversis oculis putaretur esse suffocandus, Henricus monachus et Camerarius noster, tunc Decanus Monasteriensis¹⁸⁶⁷, sicut ex eius ore audivi, pugno tam valide collum illius¹⁸⁶⁸ percussit, ut morsellus infixus exsiliret. Et cognoverunt omnes, quod dolor ille atque confusio, poena peccati foret inobedienti Praeposito. Et hoc pro certo scias, quod sicut diabolus plures, ut dictum est, tentat desiderio carnium, ita et vini.