Thesaurus Exemplorum
Medii Aevi

Duo cives Colonienses, viri divites et honesti, et speciales ad invicem amici, ex quibus unus vocabatur Sistappus, alter vero Godefridus, ad sanctum Jacobum Apostolum²³³⁶ simul profecti sunt. Die quadam cum²³³⁷ soli equitarent, ceteris fratribus praecedentibus, diabolus invidens amicitiae et concordiae illorum²³³⁸, in ingressu cuiusdam nemoris, baculum Godefridi in dorso ipsius pendentem²³³⁹, satisque fortem, in dues partes fregit. Qui cum neminem adesse conspiceret, turbatus clamavit ad socium: Eia, frater, quare fregisti baculum meum? Illo negante etiam cum iuramento, sicut mihi iam dictus Godefridus retulit, ita in eum exarsit, ut vix manus ab eius laesione cohiberet. Tandem gratia Dei et meritis beati Apostoli ad mentem reductus, apud socium unice ditectum poenitentiam egit, et totius discordiae caput diabolus confusus²³⁴⁰ aufugit.