Thesaurus Exemplorum
Medii Aevi

In introitu Frisiae iuxta civitatem Gruningen coenobium quoddam sanctimonialium ordinis nostri de novo constructum est, vocabulo Yesse³¹⁸⁰. Quae dicturus sum, a Priore loci eiusdem audivi, et circa idem tempus imaginem ipsam vidi, et missam coram illa celebravi. Est enim opere angelico decenter exsculpta, effigiem repraesentans beatae Virginis filium in gremio tenentis. Die quadam cum custos candelam quae ante illam ardebat, dicta missa extinxisset, et duo carpentarii oratorium propter opus suum intrantes, illam reaccensam reperissent, dixerunt Priori: Domine, nisi moneatis custodem, ut cauta sit circa extinctionem huius candelae, oratorium perdetis. Omnia enim lignea sunt, altare scilicet, candelabrum, parietes³¹⁸¹. Vocata est illa, et culpata; negavit, et extinxit. Carpentarii denuo ingressi, cum praedictam candelam rursum ardere viderent³¹⁸², et mox hoc Priori prodidissent, iratus, dure satis invectus est in illam. Qui certus effectus ex verbis eius de extinctione, iussit ne deinceps extingueret illam, scire volens quid hoc portenderet. Tota illa die et sequenti nocte coram imagine praedicta ardebat candela, et in mane vix ad longitudinem dimidii articuli manus fuerat consumpta. In festivitate beati Andreae Apostoli, cum unus ex praefatis carpentariis, vir simplex ac devotus, modo in eodem coenobio conversus, ad missam³¹⁸³ staret, et sacerdos Evangelium inciperet, imago Salvatoris ipso intuente de sinu matris in quo sedebat, se erigens, coronam de capite eius tulit, eamque suo capiti imposuit. Dicto vero Evangelio, cum ventum fuisset ad illum locutn symboli: Et homo factus est, coronam materno capiti restituit, et resedit. Haec³¹⁸⁴ cum simplex ille homo vidisset, et de novitate visionis expavisset, ait intra se: Melius est ut taceas; si dixeris, non creditur tibi³¹⁸⁵. Cumque in festo sancti Nycholai eandem visionem eodem modo quo prias vidisset, divinam timens offensam incurrere si taceret, Priori visa per ordinem recitavit. Et quia locum repositioni -[f° 66]- coronae exprimere non poterat, utpote laicus, interrogatus de hoc respondit: Quando nominata fuit Maria. Mox Priori occurrit, quod in festo Confessorum Ecclesia Credo in unum Deum, dicere non consueverit. Vocansque socium suum ait: Dixistis vos missam in conventu in die sancti Nycholai ? Ipse tunc domi non fuerat³¹⁸⁶. Respondente illo, etiam ; subiunxit: Dixistis Credo in unum³¹⁸⁷? Dixi, inquit. Et Prior: Non recte fecistis, non enim Apostolus fuit. Ad quod verbum ille respondit: Celte ego sanctum Nycholaum aequalem habeo multis Apostolis. Sicque Prior de visione certificatus est.
NOVICIUS: Mysterium visionis huius nosse desidero.
MONACHUS: Dyadema regium videtur hoc loco signare³¹⁸⁸ carnem Virginis gloriosam, quam de semine traxit regio. Christus vero coronam maternam capiti proprio imposuit, cum per sacramentum incarnations carnem de Virgine sumptam suae divinitati univit. Unde ad considerationem tanti mysterii Spiritus sanctus nos invitans, dicit in Canticis Canticorum: Egredimini filiae Jerusalem³¹⁸⁹, et videte Regem Salomonem, id est Christum verum pacificum, in dyademate, hoc est in³¹⁹⁰ carne humana, quo coronavit eum mater sua, Virgo Maria, in die desponsationis eius³¹⁹¹ , quando angelo nunciante³¹⁹², in eius utero coelestes celebratae sunt nuptiae inter naturam divinam et humanam. Per hoc autem quod ad illa verba: Et homo factus est, coronam materno capiti reposuit, dicere videbatur: Mater, sicut ego per te particeps factus sum humanae substantiae, sic tu per me particeps fada es naturae divinae. Christi enim, qui Deus est et homo, corpus sumus et membra³¹⁹³. Haec de perfectorum consolatione dicta sint³¹⁹⁴ per sacram eius imaginem. Audi nunc aliud genus consolationis, de hoc quod in exordio huius distinctionis dictum est, apud ipsam esse electuaria confortativa.

-[f° 66]-

Indexed exemplum: TE018871, TE018872