Thesaurus Exemplorum
Medii Aevi

In Claustro sacerdos quidam ante annos paucos defunctus est, homo simplex et illitteratus, Daniel nomine, vitae satis durae. Orationibus et veniis³³²⁶ infatigabiliter operam dabat; omnes pictancias³³²⁷ sibi appositas recusabat. Hic cum vice quadam piscem sibi ab Abbate missum refutasset, sequenti nocte in choro diabolum prope se vidit assistere, et piscem quem ipse despexerat manducare. Pro qua inobedientia corporaliter quidem satisfecit, sed non plene ab obstinatione recessit. Positus vero in agone, sensibusque iam universis praemortuus³³²⁸, sola, in oratione labia movebat, et vox penitus non audiebatur, et sic ultimum in psallendo spiritum reddidit. Iste Daniel multas revelationes habuit, multa vidit, sed valde pauca innotuit. Confessus est tamen tribus vicibus sibi Dominum apparuisse. Prima vice in cruce ante gradum presbyterii; secunda in candidis vestibus ante maius altare ; tertia in ignea forma desuper altare. Cui cum Salvator diceret, puto quod in prima fuerit apparitione: Daniel pete a me quod vis et fiet tibi; ille, sicut mihi retulit quidam seniorum domus illius, respondit: Domine sufficit mihi gratia tua, nil aliud a te peto, nisi tantum ut lacrimas habere possim, quo- -[f° 91]- tiens passionis tuae fuero recordatus. Et Dominus: Habeas tibi hanc gratiam. Ab illa enim hora sicut audivi, quando de passione Christi cogitare aut loqui coepit, mox lacrimae eruperunt. Nec mirum. Christus Jesus ipse est silex elle limpidissinius, qui aquas indeficientes filiis Israel ministravit in deserto. Bibebant omnes de spiritali consequente eos petra; petra autem erat Christus³³²⁹ .
NOVICIUS: Quomodo est intelligendum hoc quod in Psalmo legitur: Percussit petram, et fluxerunt aquae; abierunt in sicco flumina³³³⁰ ?
MONACHUS: Nota est de hoc historia, allegoria satis usitata; idcirco aliquid tibi³³³¹ dicere volo quod praesenti visioni congruat, et mentem tuam moraliter aedificet.