Thesaurus Exemplorum
Medii Aevi

In Salzeburgensi Ecclesia iam a multo tempore religiosi exstiterunt Episcopi, ex quibus unus, nescio utrum huius qui nunc est, sive eius qui ante eum fuit, praedecessor esset, infirmorum seu leprosorum lares studiose etiam quandoque per semetipsum visitavit. Die quadam tuguriolum quoddam intrans, et leprosum ut ei visum est hominem in eo³⁴¹⁸ lecto decubantem ac gementem reperiens, si aliquid vellet requisivit³⁴¹⁹. Cui cum ille responderet: Corpus Christi desidero; Episcopus festinus abiit et attulit, orique leprosi qui valde horridus videbatur, cum, cautela qua potuit immisit. Ille vero ad comprobandam Antistitis fidem, antequam masticasset eucharistiam, mauseam simulavit, et cura foetidissimo vomitu quod sumpserat citius reiecit³⁴²⁰. Episeopus vero territus, manibus mento eius suppositis, eiectas recepit immunditias, quas statim in os mittens sumpsit ob honorem sacramenti. Postea cum eundem leprosum visitare vellet, et non inveniret, dictum est ei a circummanentibus quod multo tempore in eadem domuncula nullus habitasset leprosus. Et cognovit vir Deo plenus, tum ex testimonio referentium, tum ex gratia ex praedicta sumptione percepta, quia Christus esset, qui multis modis electorum suorum constantiam probare consuevit. Haec dicta sint³⁴²¹ de Christi persona³⁴²². Porro de illius resur- -[f° 108]- rectione atque ascensione, nullas intellexi visiones relatu dignas, nisi solam³⁴²³, si tamen dici potest.