Thesaurus Exemplorum
Medii Aevi

Sunt apte nos de eodem sacro collegio duae sacrae virgines, etiam per revelationes³⁷⁰⁵ inventae. Domina Eufemia Abbatissa quae ante annos paucos defuncta est, cum adhuc puella esset in scholis, duae ei virgines in somnis apparuerunt, quae sub extrema parte dormitorii quod cellario contiguum erat, se indigne iacere conquestae sunt. Illa sicut puella visum ut visum reputans, tacuit. Postea cum esset adulta, secundo ei in loco eodem sub forma et habitu speciosissimarum virginum cingulo tenus apparuerunt. Quasi dicerent: Exire de loco isto non possumus, nisi per te. Tunc memor primae visionis, eam quae potior videbatur interrogavit dicens: Quod est nomen tuum? Respondit illa, Anathasia³⁷⁰⁶. Ab illo tempore Eufemia importune conventui coepit suggerere, quatenus cellarium asque ad finem dormitorii extenderent, dicens sine ambiguitate duas ibi virgines esse reperiendas. Pollicebatur etiam quod tres solidos communibus expensis superadderet. Acquievit tandem conventus, et sicut mihi retulit Renbodo conversus noster cui idem opus fuerat commissum, cum terra tota fuisset eiecta in praesentia praedictae sanctimonialis, sub fundamento muri sacra illo duo corpora sut reperta. Quas³⁷⁰⁷ illa priusquam Abbatissa fieret, nobis transmisit, et celebrata est de eis eodem die missa sollemniter in conventu.
NOVICIUS: Non putabam hactenus tam efficaces esse visiones nocturnas.
MONACHUS: Saepe per ardentia luminaria corpora earum³⁷⁰⁸ ostenduntur, nec tamen eadem luminaria ut aiunt quis videre potest, nisi corpore sit virgo. Multa de huiusmodi visionibus Conradus Prior Loci sanctae Mariae dicere consuevit, quae causa brevitatis omitto.
NOVICIUS: Placetne sacris illis virginibus quod sic earum corpora per diversas provincias dividuntur ?
MONACHUS: Ad hoc enim se ostendere dignantur, ut in multis locis earum memoria habeatur.

-[f° 155]-

Indexed exemplum: TE018921