Thesaurus Exemplorum
Medii Aevi

Non est diu quod quaedam ecclesia in provincia nostra exusta est. Cumque omnia quae cremari poterant in cinerem fuissent redacta, flammis sopitis homines intrantes solam pixidem cum corpore Christi illaesam super altare repererunt. Quod pro miraculo magno sicut revera fuit, Conrado Priori Loci sanctae Mariae et aliis quam pluribus referentes Deum glorificaverunt, plurimum per hoc in fide confortati. Ecce habes ex³⁸³³ his quae dicta sunt, evidentissiraa argumenta, quod omni creaturae, rationabili, ut homini, irrationabili, ut animalibus, aquae scilicet, terrae, aeri et igni, manifestata³⁸³⁴ sit virtus divini huius sacramenti.
NOVICIUS: Satis mihi probatum est quod sub specie panis sit verum corpus Christi; nunc autem verum eius sanguinem esse sub specie vini, similibus mihi exemplis ostendas.
MONACHUS: Noveris consimiles causas esse subsequentium visionum quas³⁸³⁵ et praecedentium. Quibusdam, ut iustis, forma sanguinis ostenditur, ad devotionis suae remunerationem; de sacramento dubitantibus, ad confortationem; male viventibus, ad correptionem. Ecce exempla.