Thesaurus Exemplorum
Medii Aevi

Relatione quorundam Abbatum ordinis nostri didici quod dicturus sum. Monachus quidam per visionem nocturnam -[f° 220]- in coeleste templum se transpositum vidit, in quo alba et stola indutus, coram Domino Evangelium legit. Erat enim Diaconus et idiota. Qui cum legendi benedictionem postulasset a Domino, huiusmodi responsum accepit: Ab hac hora habeas scientiam atque⁴⁰⁸⁰ virtutem praedicandi verbum Dei, quotienscunque tibi iniunctum fuerit. Lecto vero Evangelio evigilans, intellexit quod somnium esset. Miratus tamen de tam manifesta visione dicebat intra se: Hodie lecturus es Evangelium ad missam; si eiusdem coloris inveneris stolam qualem in coelo vidisti, vera est visio. Nutu vero factum est Dei⁴⁰⁸¹, ut a sacrista stola consimilis exponeretur. Mox quasi de visione certilicatus, quid viderit Abbati exposuit. A quo iussus loqui verbum Dei, usque hodie impraemeditate⁴⁰⁸² tam excellenter et tam efficaciter illud proponit⁴⁰⁸³, ut omnes suos auditores in stuporem convertat. Allis siquidem temporibus nullius est litteraturae.
NOVICIUS: Miraculum Salomonis qui in somnis scientiam accepit, in isto resultat⁴⁰⁸⁴.
MONACHUS: Deus enim scientiarum Dominus est⁴⁰⁸⁵, aliis scientiam miraculose ut dictum est⁴⁰⁸⁶ conferendo, aliis non minori miraculo habitam subtrahendo.