ThEMA | Source

Caesarius Heisterbacensis, Dialogus Miraculorum

Table of ContentsTable des matièresneeds transneeds transneeds trans

DISTINCTIO UNDECIMA. DE MORIENTIBUS

CAPITULUM XXIII De Wigero milite qui a Sarracenis occisus est.

In Dioecesi Traiectensi miles quidam exstitit nomine Wigerus, in actibus militiae nominatissimus. In prima expeditione Dei munere compunctus, cruce signatus mare transivit, tam fortiter et tam instanter Sarracenos impugnans, ut tam Regi Jerosolymitano quam ceteris Christianis dilectus esset et acceptus, et inimicis Christi nimis⁴⁴⁶⁶ odiosus. Qui cum per annum integrum Salvatori ibidem strenue ut dictum est militasset, et repatriare cogitasset, die quadam in oculis eius in conflictu servus eius occisus est. Cuius animam in specie columbae coelos videns penetrare, compunctus de visione, dicebat intra se: Quia agere proponis o miser? Si reversus fueris, vitia repetes dimissa, et erunt novissima tua peiora prioribus. Ex tunc fortius agens solito, die quadam conflictum intravit et occubuit. Cuius caput Sarraceni praescindentes⁴⁴⁶⁷, cum multa gloria circumtulerunt. Christiani vero corpus rapientes atque sepelientes, ecclesiam super ipsum fabricaverunt.

-[f° 291]-

Notes:

⁴⁴⁶⁶B nimis invidus ac.
⁴⁴⁶⁷E praescidentes, ABCFP praecidentes.

Indexed exemplum: TE019011