Thesaurus Exemplorum
Medii Aevi

Itemadidem. Refert Josephus fabulam quod equus freno ornatus aureo et sella decora occurrit asino onusto ex parte altera venienti, qui quia fessus non dedit locum equo. Cui dixit equus:"Vix contineo tua viscera pedibus meis frangerem, quia contempsisti mihi cedere in via donec transissem. ” Ideo asellus miser ingenuit pre timore. Non multum post equus impetu currens corruptus est, et ideo cepit fimum portare, quem asellus in prato et pascuis agnoscens dixit ei: “Quid modo tibi profuerunt preterita ornamenta tua et indebita audacia, cum jam nobis similis factus es, portans fimum et alia vilia officia et rusticana exercens ?” Ad que equus seipsum agnoscens quod sibi non profuit.

Equus iste est dives ornatus diversis divitiis, deliciis, potestatibus et honoribus. Asinus est pauper qui ideo persequitur et contemnitur a divite; sed in morte erunt equales cum utrique fimum portant proprii cadaveris corporis -[f° 18]- .