Thesaurus Exemplorum
Medii Aevi

Item ad idem. Legitur in Libro de Septem Donis Spiritus Sancti quod fuit quidam religiosus, Martinus nomine, per obedientiam ad longinquas partes accedens; dum rediret, invenit in via unum hominem sic destitutum quod omnia membra sua fuerunt putrefacta et corrupta. Cum autem cum lacrimis rogaret Martinum ut subveniret ei, ille ait : "Equum non habeo in quo istum portem, vestes non habeo in quo istum involvam, sed ne compassione caream, eum in propria cappa involvam et in scapulis portabo. ” Et cum appropinquaret monasterio, angelus dixit abbati : "Occurrite fratri Martino quia portat Deum in scapulis suis. ” Cumque occurrissent ei, infirmus saltavit in aerem cum splendore mirabili, et dixit sibi aliis audientibus : "Martine, benedicta est compassio tua que involvit me in cappa et portavit me in humeris; propter que dabo tibi gloriam meam et coronam fulgentem. ”