Thesaurus Exemplorum
Medii Aevi

Secundo debet esse confessus.

refert Cesarius quod fuit quidam sacerdos qui in nocte Nativitatis Domini de villa accedens ad ecclesiam, inveniens mulierem, carnaliter cum ea peccavit. Cum autem dictis matitutinis se induisset -[f° 40]- ad celebrationem misse, pre verecundia noluit hoc peccatum confiteri. Cum autem facta consecratione ad communionem venisset, venit columba et Corpus Christi secum portavit. Cum autem perplexus quid faceret, missam renunciavit. Cum secunda et tercia die hoc idem accidisset, postposita verecundia, cum maximis lacrimis cuidam abbati confessus est suum peccatum. Qui injuncta sibi penitentia ut per mare transiret et per tres annos ibi infirmis serviret, et nihilominus quod in crastinum celebraret. Ille mundatus missam incepit et facta consecratione ecce columba descendit et tres hostias in altari posuit, ac tantum de liquore in calicem expressit quantum ille de tribus diebus de vino in calice posuit.