Thesaurus Exemplorum
Medii Aevi

Quinto est demonis oditiva.

Refert Cesarius quod quidam doctor mirabilis fuit Parisius de ordine Fratrum Predicatorum, cujus nomen est sanctus Thomas Daquino; qui cum infirmaretur et dyabolus transiret subito per cameram ejus, non valens perfectam sanctitatem ejus ferre, sanctus Thomas vocavit eum. Tunc totus timidus stans in angulo camere clamabat : "Dimitte me lucerna veritatis, quia nihil pro nobis sed contra nos in tua vita aspicio. " Cumque sanctus Thomas preciperet ei ut diceret quis plus odiebat in religione christiana et quid ei plus noceret, respondit : "Coactus dico, sed merita tua arguunt me. Et ideo notifico quod confessionem plus odio et nobis -[f° 44]- displicet et plus nocet. Nam peccata mortalia provocant iram Dei, auferunt beneficia, tenent peccatores ligatos, sed confessio omnia solvit et omnia restaurat. ”