Thesaurus Exemplorum
Medii Aevi

Item ad idem. Legitur in Hystoriis regum Francie quod Philippus rex habebat quendam clericum bonum et dignum sed pauperem. Cumque vacasset quedam parrochia que valebat in redditibus quingentas libras, sed clerici sui ivissent pro consiliariis, ille pauper clericus hoc attendens, intravit ad regem quem solum in capella invenit, cui se humilians dixit: "Domine tale beneficium vacat. Pro Deo conferatis mihi quia pauper clericus sum. " Cui rex : "Habebo consilium super hoc. " Tunc clericus -[f° v°]- : "Domine clerici tui jam iverunt ad informandum consiliarios, et ideo si petas consilium non habebo. " Tunc rex concesso beneficio ipsum emisit. Cum ergo venissent ceteri clerici cum consiliariis, proposito negocio rex expressit cui dederat, tunc cum illi assererent eum non esse dignum, dixit rex : "Verum dixit clericus quod consiliarii iniqui eum impedivissent. "