Thesaurus Exemplorum
Medii Aevi

Adulterium multa mala facit.

Primo enim est demonis sacrificium.

Legitur quod cum beatus Andreas concubinam cujusdam prepositi convertisset, tradidit ei Evangelium in memoriam Passionis Christi, et ut peccatum ardentius vitaret; quia vero uxor prepositi adhuc habebat eam suspectam tradidit eam ribaldis ut cum ea complerent vicia. Cum autem duo vestes ejus frangerent et vi vellent eam opprimere, subito ipsa clamante ad Deum mortui ceciderunt. Cum autem uxor prepositi se balnearet cum uno adultero a dyabolo suffocatur. Mulier autem liberata fuit et confortata per angelum, rogabat Deum ut eos suscitaret a mortuis et narrarent quantum erat odibile Deo adulterii peccatum. Qua exaudita et illi resucitati inciperent clamare quod adulterium erat sacrificium demonis, in quo furtum, perjurium et duo carnis vicia simul offerabantur demoni in vituperium Dei.