ThEMA | Source

Johannes Gobi junior, Scala Coeli

Table of ContentsTable des matièresneeds transneeds transneeds trans

De Cruce (378)

Item. Legitur in Hystoria Tripartita quod cum quidam Christianus mansisset juxta sinagogam judeorum mutato hospicio, in eo in quo manserat reliquit ymaginem Crucifixi satis compositam, quam adorabat secreta adoratione . Cumque judei eam invenissent, convocatis multis aliis, illam ymaginem clavis novis confixerunt, et alia Passionis Domini facta innovaverunt. Cum autem venissent ad lateris apertionem cum lancea, statim exivit sanguis et aqua. Qui recipientes in vase stupefacti infirmos suos illo liquore unxerunt, qui omnes fuerunt curati. Hec referentes episcopo baptisati sunt ab eodem et sinagogam in ecclesiam dedicaverunt. Requisitus vero Christianus unde talem ymaginem sic compositam habuerat, respondit :"Nicodemus moriens reliquit eam Gamalieli, Gamaliel Zacheo, et iste Jacobo"; Et ita per diversas generationes et successiones ad eum venerat, et per eum diu in secreto custodiebatur et cum devotione venerabatur.

Notes:

Nicodème Juif pharisien disciple de Jésus Christ.
Gamaliel docteur pharisien maître de Saint Paul.
Zachée publicain à Jéricho, il reçoit le Christ chez lui et se convertit, sacré premier évêque de Césarée par st Pierre.
Saint Jacques apôtre. La source ajoute à cette liste le nom de l'apôtre Simon.

Indexed exemplum: TE019454