ThEMA | Source

Johannes Gobi junior, Scala Coeli

Table of ContentsTable des matièresneeds transneeds transneeds trans

De Ambitione (56)

Quinto est amicicie demonis confirmativa.

Fuit quidam Robertus nomine qui ambiciose vivens homagium fecit dyabolo ut ipsum sublimaret ad dignitates terrenas. Procurante dyabolo, primo factus est episcopus remensis, deinde archiepiscopus Ravennensis, tercio Papa romanus, qui stans in sublimitate pastorali requisivit dyabolum quamdiu viveret. Respondit dyabolus quod non moreretur quousque celebrasset in Jherusalem. Cum autem postea modico tempore interposito venisset ad quandam ecclesiam que dicitur Jherusalem et se indueret sub pedibus ejus sensit multitudinem demonum et mortem adesse. Confisus autem de Dei misericordia licet esset sceleratissimus, in presentia omnium suam maliciam revelavit, et prescindi jussit omnia membra quibus dyabolo fuerat mancipatus, et ultra omnia ista jussit ut animalia venenosa poneretur in ejus sepulcro ut devorarent truncum ejus corporis. Quia vero ex tanta contritione fuerat misericordiam consecutus, ossa ejus sudorem suavissimum emiserunt cum magno strepitu. Et etiam nunc quando debet mori Summus Pontifex illa ossa strepitum et sudorem emittunt.

Notes:

Robertus: confusion avec la légende de Robert le Diable? Il s'agit ici de la légende de Gerbert devenu le pape Sylvestre I… (999-1003). La fin qui lui est attribuée ici ressemble fort à celle de l'usurier repenti (SC 965) mais n'est pas celle de la légende de Gerbert
Reims, France.
Ravenne, Italie.

Indexed exemplum: TE014132