Thesaurus Exemplorum
Medii Aevi

Septimo est abnegationis Dei inchoativa.

Fuit in Cecilia quidam Theophilus nomine, qui dilectus per unum episcopum honorabatur cunctis. Illo autem mortuo fuit consecratus alius cui erat Theophilus odiosus. Qui confusionem suam ferre non valens, vocavit demonem et promisit se facere velle suum si eum ad honorem et dignitatem vellet promovere . Facto autem homagio demoni et Christo abnegato firmaverunt amiciciam, quam ille suo sanguine scripsit et suo anulo sigillavit. Tandem ad procurationem demonis praedictis honoribus restituntur. Sed in corde pungitur divinitus penitentia ductus cum fiducia accessit ad misericordiam Virginis Benedicte, et resolutus in lacrimas ejus intercessione gratiae filii sui est restitutus. Cum autem acriter esset redargutus a Virgine tradidit sibi cyrographum, qui graviter accipiens coram omni populo miraculum enarravit.