Thesaurus Exemplorum
Medii Aevi

Item. Legitur in Libro de Septem Donis Spiritus Sancti quod dum quedam vetula iret per viam, juvenis tristis a cum bursa plena denariis sedebat juxta arborem. QUi interrogatus a vetula quid haberet, respondit : « Demon sum et affecto summe ponere discordiam inter talem et uxorem suam; et quia locutio humana mihi deficit que est instrumentum omnis mali, ideo assequi non possum quod opto. Sed quia locutio tua mirabilis est pro isto facto, do istam C pecuniam ut deducas ad terminum. »

Que accedens ad domum mulieris cum una juvencula, affirmavit secrete quod cum illa adulterabatur vir suus, et tunc ad hoc venerant ut reciperent tunicam pro nephari opere. Tunc accedens ad virum secrete indicavit quod uxor sua amorem illicitum habebat cum quodam clerico ecclesie cathe-dralis. « Et dum loquerentur simul retro columnam, me existente ibi in oratione, audivi eos mutuo conversantes et taliter convenientes quod in crastinum tali hora redirent et ordinarent de facto. » Tunc misit juvenculam ad suscipiendum pannum quem emerat vetula, quando viro retulerat ista verba de sua uxore. Quod aspiciens uxor sua suspicata est de eis omne malum. Et dum in cena nonet comedere, vir precepit ut cogitaret de clerico; et tandem ad procurationem vetule clericus loquitur cum domina; que locutio viro fuit suspicio omnis mali. Revertitur vetula ad dominam, consilium dat ut de pilis barbe viri cum rasorio sumat, et postquam eos comederat omnem aliam mulierem odibit. Iterum accedit ad virum vetula et dicit quod de consilio clerici per uxorem in lia nocte erat interficiendus; et ideo caveret ne in somnis opprimeret eum. Cumque uxor cum rasorio venet accipere de pilis barbe ejus, vir arripiens manum ejus clamavit. Lumen accenditur, amici congregantur, discordia maxima stabilitur . Quod aspiciens, demon dixit vetule : « Per triginta annos dedi operam ut hanc discordiam excitarem et tu in tribus diebus perfecisti eam. Optime enim linguagium habes inferni et digna es melius quant ego. »

Et rapuit eam et portavit secum. Deus autem per discretionem unius sacerdotis declaravit maliciam" et vir et muliero ad pristinum amorem sunt redacti.