Thesaurus Exemplorum
Medii Aevi

Tercio debemus moniri ex remuneratione.

Legitur in Historia Anthiochena quod dum quidam princeps in sua camera vigilaret, vidit coram se quendam militem de domo sua, qui in obsidione civitatis fuerat interfectus -[f° 152]- , et cum mirabilis pulcritudinis et refulgencie. Requisivit unde erat et causa mirabilis gloria. Qui ait: "Non sunt mortui qui in Christi servicio vitam finiunt, , nec debes mirari tantam pulcritudinem meam quia tam pulcerrimam habeo mansionem. ” Et statim ostendit ei in celo mansionem suam qua nihil pulcrius credi posset. Tunc miles mortuus: "Longe pulcrior preparatur quam cras percipies. ” Et hoc dicto disparuit. Dictus autem princeps cum esset incolumis, convocatis sacerdotibus mane revelavit visionem. Confessionem et ecclesiastica sacramenta recepit. Et cum occurreret turcis, lapide cujusdam machine percussus mortuus est.