Thesaurus Exemplorum
Medii Aevi

Tercio est virtutis et fortitudinis ostensiva.

Legitur in Libro de Septem Donis Spiritus Sancti quod quidam miles flagitiosus venit ad quendam episcopum, facilem penitentiam de suis peccatis requisit. Cui episcopus: "Quicquid est illud quod libentius in mundo facis?” respondit: "Festa. ” Tunc injunxit sibi ut in dominicis diebus et festivitatibus precipius et Apostolorum omni opere servili cessaret. Ipse vero prima dominica sequenti ad agrum pergens temptatus boves divisos conjunxit et errare incepit. Et rediens ad episcopum, dixit se fregisse penitentiam. Qui ab eo quesivit quem cibum plus abhorreret, respondit: "Porros et alleca. ” Tunc injunxit sibi quod de cetero de illis non gustaret. Dum rediret vidit mulierem porros lavantem, temptatus comedit. Tunc agnoscens suam miseriam ad episcopum rediens dixit: "Pater, maxima virtutum est perseverencia, quia qui eam optime custodit et cuicunque virtuti prestat opera ad agendum; et ideo do penitentiam tibi gratam. ” Qui cum dedisset complevit perfecte.