Thesaurus Exemplorum
Medii Aevi

Suspitio multa mala inducit in nobis.

Primo est veritatis depressiva.

Legitur in Libro de Septem Donis Spiritus Sancti quod quidam monachus probatissimus per longum tempus intollerabili gravabatur infirmitate, cui fratres non poterant subvenire, qua que sibi erant necessaria non habebant. Audiens autem quedam famula Dei de afflictione ejus, rogabat patrem monasterii quod ipsum ad se deferri faceret, eo quod in civitate facilius necessaria invenirentur. Cum autem factum fuisset et ei obsequium per tres annos impendisset, ceperunt homines mente corrupti malum de sene et virgine suspicari. Cum autem apropinquaret suus transitus, facta oratione ad Deum ut retribuere dignaretur virgini, rogavit senex qui convenerant papa ejus transitum ut baculum suum plantaret super fossam ejus. Et si maneret in ariditate sua suspitio malorum esset vera, si autem fructus produceret esset falsa. Moritur senex, baculus plantatur et statim frondere et florere incepit et fructus produxit multos. Quod attendentes maliciosi compuncti glorificaverunt Deum.