Thesaurus Exemplorum
Medii Aevi

Quarto est infidelitatis demonstrativa.

Legitur in Vitas Patrum quod cum quidam senex venisset ad quandam civitatem ad vendendum quedam vasa que fecerat et sederet in porta cujusdam divitis laborantis in extremis, vidit equites cum equis nigris habentes in manibus igneos baculos. Relictis autem equis, ad januam intraverunt. Quos videns infirmus cepit clamare dicens:” Domine adjuva me ! “ Quem illi irridentes et accedentes dixerunt:” Tu magis infidelis fuisti quam gentilis quia ille ignoranter, tu scienter dedisti creature vilissime fidem, spem et amorem, et quia oblitus es Dei sole lucente, nunc dum in obscuritate es eum velles, nec prius propter tuam avariciam, ideo nunc privatus eris ejus adjutorio, nam "Deus in adjutorium” non dicitur in fine horarum sed in principio. ” Cujus miseram animam mo rapientes ad Inferni claustra deduxerunt.