Како пред богом чистота и о петеле, и кокоше, и о юноше. Некий человек добродетелный любитель божий и жена его добродетелная же с сыном доброродным юношею идоша ко гробу святаго апостола Иякова. Утрудившися от пути, внидоша во град Каппейнатен упокоения ради и сташа у некоего человека в дому, иже имяше дщерь превозрастну. Сия девица егда всекрасной природы юношу узре, рачением непристойныя любве возгореся к нему и в нощи той многажды быти с собою понуждала. Но юноша никако же изволити восхоте. Она же обративши любовь в ненависть и хотя ему зло сотворити, в той час, егда им из дому исходити в сумочку его чарку сребряну отца своего вложила. И егда рано пришельцы поидоша, девка же пред родительми возопи, яко наследовавший чарку украдоша. Отец же иде и оповеда се судии. Судия же посла и повеле странников возвратити. И возвратившимся им, девка же она чарку отца своего у юноши изя. И видя судия очевидно полишное, и осуди того же часа юношу того повесите, и тако в поле изведоша и обесиша. Отец же и рождьшая его жалостию бившися о сыне своем, отидоша и приидоша в Кампостелию и тако исполнивши обещание свое, молитвы и моления принесши, тем же путем возвратишася и егда приидоша на место, иде же сын их овешен бысть, мати же, яко лвица ревущи, слезами, аки реками лиющи, к сыну приступльши на землю повалися и возведшися мало возре к сыну.— Оле чюдесе! — рече сын к матери своей: «Возлюбленная мати моя, не плачися надо мною, ибо жив есмь, ибо пресвятая дева мати божия и святый Ияков апостол держат мя и соблюдают. Иди же убо, мати моя, ко старейшине градскому, иже мя неправедно осудил есть, и скажи ему, яко жив есмь, ибо неповинен есмь татьбе, да повелит мя сняти и тебе отдати». И абие тече возлюбленная мати ко старейшине градскому, от многия радости плачющи, притече, и обретоша его седяща за трапезою, имеюща пред собою кокоша и петела печеных, и хотеша их рушити. Мати в радости и жалости моля его, да повелит сына ея сняти и отдати, повествуя о чюдоделии велий. Старейшина же егда сие услыша, мнящи, яко сон поведаше жена, и отвеща, посмевашеся ей: «Что глаголеши, о жено! Не прельщайся тако, яко твой сын жив есть; аще сии кокош и петел оживут, то и сын твой жив есть». И егда токмо сие изрече, абие кокош и петел воскочивше со блюда на стол. Сие же егда старейшина узре, ужаснувшися, изыде и абие повеле созвати презвитеров и граждан всех и изыдоша вси купно в поле ко оному юноше, и обретоша его жива и здрава, веселящася. Снемше же со древа и отдаша его родителем. Пришедши же в дом, яша кокоша и петела оных и принесоша их в церковь со многою честию, иже тамо, яко вещь предивную и силу божию свидетельствующую, соблюдаху. Егда же седмь лет преживут, ибо тако лета их бог замерити благоизволил, и тако на концы седмаго лета, прежде нежели помрут тоя же белыя и чистыя барвы, тех же шаров петел и кокош и тоя же великости обретаются. Сие же творится в церкви всякое седмое лето. Велие же есть и се чюдо, яко вси иже чрез той град странники шествуют ко гробу апостола, их же есть без числа, вси вземлют кокоша того и петела периа, берегут, и никогда же своея красоты от того не умаляются и перья не убывают, но всегда во своей целости пребывают. Сие аз свидетельствую, яко воистинну видех сие чюдо и бых в то время и с собою приесох.

Wielkie Zwierciadło Przykładów [ed. Kraków, 1621], Pielgrzym, II.

• saint Jacques le Majeursaint James the ElderSt. Jakobus der ÄltereSantiago Matamorossan Giacomo il Maggiore
• jugejudgeRichterjuezgiudice
• pèlerinagepilgrimagePilgerfahrtperegrinaciónpellegrinaggio
• aubergeinnWirtshausalberguealbergatore
• voltheftDiebstahlrobofurto
• accusationaccusationAnklageacusaciónaccusa
• MiracleMiracleWunderMilagroMiracolo
• FilsSonSohnHijoFiglio
• PèreFatherVaterPadrePadre
• MèreMotherMutterMadreMadre
• PendaisonHangingHenkenhorcaImpiccagione
• coqcockHahngallogallo
• PouleHenHuhnGallinaGallina
• RésurrectionResurrectionAuferstehungResurrecciónResurrezione

Tubach Frederic C., 1969. Index exemplorum. A Handbook of medieval religious tales, Helsinki.:

• #2236 : Gallows, thirty six days on. a.) St. James supports a boy on the gallows for thirty six days and the boy is thus saved. b.) A son, willing to hang for his unjustly condemned father, is delivered from death by St. James. (See also: 3796). Alpha # 374; EdeB # 119; Caes. VII 1, 58; Recull # 324; S.T.: E 121.4.– de Vooys, p. 104. (© Frederic C. Tubach)
• #3796 : Pilgrimage, father and son accused on. A father and his son on a pilgrimage to the tomb of St. Jacob were accused by an innkeeper of having stolen silver plates which he himself had placed in their luggage. The son was supported on the gallows by Saint Jacob. (See also: 2236). Seelentrost (German) 138, 28; Thrøst (Swed.) 209, 2. (© Frederic C. Tubach)