ThEMA | Source

Caesarius Heisterbacensis, Vita, Passio et Miracula S. Engelberti

LIBER II

Quod inimicicie orte sunt inter ipsum et ducem Walramum et ciues Colonienses.

Cum electioni presentes essent dux Walerammus et filius eius comes^a716 Henricus^a717 , in tantum eis^a718 dominus archielectus commotus est ut feoda^a719 que pater a beato Petro tenebat uel que filius tenere debebat porrigere recusaret, et hoc propter supradicti^a720 castri destructionem. Ciuibus eciam graciam suam negauit^a721 ob concremacionem -[f° 660]- priuilegiorum et societatem cum Walerarammo factam nec non et alia quedam, de quibus omnibus non est huius temporis texere historiam.

Notes:

^a716 om. 2b1.
^a717(c. H.) H. c. 2a.
^a718eius 2a.
^a719pheoda 1a; feuda 2b1.
^a720predicti 2ab1.
^a721Mox tamen atque ipso anno 1226 litteras edidit (Lacomblet, Urkundenbuch, t. II, p. 73 – 74; cf. Knipping, n. 595), quarum hic est locus praecipuus isque luculentus: omnia iura et libertates ipsorum (ciuium Coloniensium) necnon et bonas consuetudines, que omnia habuerunt usque ad tempus electionis bone memorie predecessoris nostri archiepiscopi Engelberti, approbantes, ipsa inuiolabiliter obseruari precipimus, saluo nobis in omnibus iure ab ecclesia Coloniensi et a predecessoribus nostris infra bannum ciuitatis Coloniensis usque ad tempus electionis supra dicti predecessoris nostri archiepiscopi Engelberti similiter obseruato...