Thesaurus Exemplorum
Medii Aevi

Placuit circa idem tempus Spiritui sancto martiris sui finem quibusdam uiris religiosis et hoc diuersis in locis reuelare. Monachus quidam congregacionis nostre, iuuenis probate uite, abbati nostro secrecius dicebat: “Domine, si habetis aliqua tractare cum archiepiscopo, ne differatis, quia cicius morietur.” Post dies paucos infirmarius noster, Winandus^a394 nomine, pro negocio quodam ad ipsum Susaciam directus est. Qui cum in Ueteri Monte^a395 , domo ordinis nostri, pernoctaret, mane recedente^a396 eo^a397 , supprior subsecutus ait: “Est apud nos conuersus quidam spiritum habens propheticum, sicut sepe experti sumus. Hic dicit^a398 tribulacionem maximam in breui^a399 uenturam^a400 esse super dominum nostrum archiepiscopum^a401 . Propter quod^a402 rogo uos ut moneatis ipsum, quatinus cautus sit super se^a403 et custodiat se^a404 .” Cui ille respondit: “Melius est ut taceam, quia pro friuolo reputaret.” Ueniens tamen ad eum benigne ab eo ^a405 susceptus est et expeditus, nec aliquid horum^a406 que dicta sunt recitare presumpsit. Nam die sequenti dominus episcopus litteras indices mortis sue accepit^a407 . Quas cum legisset, in ignem mittens pede conculcauit, ne^a408 discordie seminarium fierent inter ipsum et cognatum suum comitem Fridericum. Recitauit tamen eas episcopo Mindensi^{a409 a410} , qui presens erat. Cui cum diceret ille: “Domine, propter Deum^a411 custodite uos, non solum propter uos, immo propter utilitatem ecclesie uestre^a412 et salutem tocius terre”, respondit ille: “Angustie mihi sunt undique, et quid mihi faciendum sit^a413 Dominus nouit, prorsus^a414 ignoro.^s415 Ue mihi, si tacuero. Si autem eis proposuero, dicent, immo amicis et cognatis de me conquerentur, quod parricidii crimen ipsis^a416 inpingam.” Non solum de Friderico, sed eciam de Godefrido et Willelmo^a417 fratribus eius suspicio fuit^a418 . Et adiecit: “Ego ab hac hora corpus meum^a419 et animam meam committo diuine^a420 prouidencie.”