Thesaurus Exemplorum
Medii Aevi
Libri octo miraculorum [Hilka, 1937]: 1, 42
ExemplumExemplumExemplumExemplumExemplum
Original textTexte originalOriginaltextTesto originaleTexto original
De uitio gule et quod multa homicidia causa ebrietatis in Frisia in dedicatione cuiusdam ecclesie perpetrata sunt.
Gula unum est de uitiis capitalibus. Gula est totius corporis causa noxius et illecebrosus esce uel potus appetitus. Huius uitii morbo non solum corporis, sed anime substantia corrumpitur. Unde Dominus dicit fidelibus: 'Uidete, ne corpora uestra grauentur in crapula et ebrietate'. Quantum malum ex ebrietate proueniat, exemplum presens declarat.
Nuper michi retulit quidam monachus ex senioribus C1aricampi, que est domus cysterciensis ordinis in Frisia sita, dicens: Anno presenti, qui erat MoCCoXXVIo ab incarnatione Domini, Friso quidam de ecclesia sancti Mauricii, que posita est in uilla cuius nomen est Bosingin, post expletionem missarum exiens, dum nescio quo tenderet, in specie humana spiritus illi malignus occurrit. Quem cum more terre salutaret homo et diceret: "Bene occurras" illeque nichil responderet, Friso salutationem iterauit cum indignatione. Tunc ille motus respondit: " Malo tuo michi occurrisses, si non hodie sigillatus fuisses aqua Mauricii ". Egrediens uero de ecclesia aqua benedicta se asperserat. Mox post uerba comminationis cepit dyabolus in oculis eius crescere, ita ut ualde pertimesceret ille. Qui ait: "Cur me non interrogas, ut aliquid noui tibi dicam?" Tacente illo, subiunxit illi dyabolus: "Die crastina efficiam, ut tantus sanguis effundatur in dedicatione ecclesie tue, ut pedes Mauricii et Martini necnon et sacerdotis in eo lauari sufficiant", sicque euanuit. Statimque homo ad sacerdotem reuersus se benedici et aqua benedicta aspergi petiuit, quid uiderit quidue audiuerit, illi per ordinem recitans. Qui mane mercatoribus, cum tentoria sua erigerent in cimiterio propter dedicationem, tacita persona minas dyaboli patefecit, supplicans, ut mercationes suas extra ciuitatem locarent et ut a potatione, que maxima causa sanguinis est, sibi cauerent. Qui sacerdoti ex parte obedientes casas suas in campo erexerunt, non tamen a potu se continuerunt. Unde postquam incaluissent mero siue ceruisia, surgentes ceperunt quasi colludendo se gladiis et umbonibus exercere, imitantes filiorum Israel insaniam, de quibus scriptum est: 'Sedit populus manducare et bibere et surrexerunt ludere'. Et ecce! cooperante, immo instigante dyabolo, secundum quod ipse predixerat, tres homines occisi sunt in eodem ludo et tam grauiter quadraginta uulnerati, ut scutellis et peluibus agrum sanguine exundantem uix mundare sufficerent. — Ecce! quantum malum operatur in homine gula, quia de gula fit ebrietas, de ebrietate uero nascitur furor, de furore homicidium.
ReferencesRéférencesReferenzenRiferimentiReferencias
Tubach Frederic C., 1969. Index exemplorum. A Handbook of medieval religious tales, Helsinki.:
- #1816 : Drunkenness least of mortal sins. Drunkenness, although the least of the mortal sins, may lead to rape and murder. libri8-I #42; cf. EdeB # 481; Enx (G) # 56; H131 # 103, H339 # 2, H385 # 206, H417 # 30, H446 # 21, H465 # 23, H474 # 49, H500 # 279, H563 # 54, H577 # 37, H648 # 4, H690 # 45; ML # 17, # 81; Pauli # 243; Wright # 97; S.T.: J485.– Andrae, Rom. Forsch. VIII, 129; Köhler, Kl. Schr. I, 583; Krappe, Sources, p. 24 # 127 (56); K. Kilmmell, Drei italienische Prosalegenden: Euphrosyne, Eremit Johannes, König im Bade (Halle, Inaug.– Diss. 1906), pp. 38 40; Montanus, p. 583 # 167; Wickram, Rollwagenbüchlein, ed. Bolte, p. 383. (© Frederic C. Tubach)
- Manuscripts / editionsManuscrits / éditionsManuskripte / AuflagenManoscritti / edizioniManuscritos / ediciones:
-
- Alfons Hilka, Die Wundergeschichten des Caesarius von Heisterbach, Bonn: Hanstein, 1937, p. 71-73.
ImagesImagesBilderImmaginiImágenes (0)
Exempla in this collectionExempla dans le même recueilExempla in derselben SammlungExempla in questa stessa raccoltaExempla de la misma colección:
- TE004408 Libri VIII miraculorum: 1, 37
- TE004409 Libri VIII miraculorum: 1, 38
- TE004410 Libri VIII miraculorum: 1, 39
- TE004411 Libri VIII miraculorum: 1, 40
- TE004412 Libri VIII miraculorum: 1, 41
- TE004413 Libri VIII miraculorum: 1, 42
- TE004415 Libri VIII miraculorum: 1, 44
- TE004416 Libri VIII miraculorum: 2, 1
- TE004417 Libri VIII miraculorum: 2, 2
- TE004419 Libri VIII miraculorum: 2, 4
- TE004420 Libri VIII miraculorum: 2, 5
Download this exemplum asTélécharger le fichier de cet exemplum au formatLaden Sie die Datei dieses Exemplums im FormatScarica questo exemplum comeDescargue este documento en formato:
Les exempla du ThEMA sont mis à disposition selon les termes de la Licence Creative Commons Attribution - Pas d’Utilisation Commerciale - Partage dans les Mêmes Conditions 4.0 International.ThEMA exempla are made available under the Creative Commons Attribution-NonCommercial-ShareAlike 4.0 International License.ThEMA exempla werden unter der Creative Commons Namensnennung - Nicht-kommerziell - Weitergabe unter gleichen Bedingungen 4.0 International Lizenz.Las exempla de ThEMA están puestas a disposición en el marco de la Licencia Creative Commons Atribución-NoComercial-CompartirIgual 4.0 Internacional.Gli exempla del ThEMA sono messi a disposizione secondo i termini della Licenza Creative Commons Attribuzione - Non commerciale - Condividi allo stesso modo 4.0 Internazionale.