Thesaurus Exemplorum
Medii Aevi
Libri octo miraculorum [Hilka, 1937]: 2, 13
ExemplumExemplumExemplumExemplumExemplum
- CistercienCistercianZisterzienserCistercienseCistercense
- MoineMonkMönchMonjeMonaco
- PrêtrePriestPriesterSacerdotePrete
- EucharistieEucharistEucharistieEucaristíaeucarestia
- corporal corporal Korporal corporal corporale
- ChantSongGesangCantoCanto
- oragethunderstormSturmtormentatempesta
- hymneanthemHymnehimnoinno
- ChristChristChristCristoCristo
- StatueStatueStatueestatuaStatua
- oeilEyeAugeojoOcchio
- négligencenegligenceNachlässigkeitnegligencianegligenza
- PunitionPunishmentStrafeCastigoPunizione
- Salve reginaSalve reginaSalve ReginaSalve reginaSalve regina
Original textTexte originalOriginaltextTesto originaleTexto original
De plaga in Foni.
Anno presenti, qui est MCCXXVI. ab incarnatione Domini, monachus quidam senex et debilis in Foni, domo ordinis Cysterciensis, die quadam cum missam celebraret, nescio utrum peccatis propriis siue communibus exigentibus, Christi sanguinem super corporale fudit. Quo mox a ministris ad nutum eius sublato, pars liquore infecta uino tribus uicibus abluta est sicque precisa inter reliquias reposita. Non multo post, cum sacrista accederet pannumque casu reuolueret, inuenit totam illam superficiem, que sacramento perfusa fuerat, sic rubere atque madere, acsi recenti sanguine agni intincta fuisset. Postea idem sacerdos sine liquore celebrauit. Cumque data fuisset ei licentia rursum celebrandi, tertia accessit negligentia: iterum fudit calicem. Quam inaudita est plaga subsecuta, et merito. Cum enim abbas et seniores scirent hominem illum esse senem, tremulum ac negligentem et celebrare permitterent, dignum erat, sicut multis usque hodie uidetur, ut, qui indiscreta permissione participauerunt culpe, etiam participes efficerentur uindicte. Nam sexto Kalendas Iunii undecima hora diei grando, turbo ignisque inuoluens tantum terrorem omnibus incussit, ut horam extremi iudicii timerent imminere. Uenti tam ualidissimi excitati sunt, ut pene omnes arbores pomerii uel frangerentur uel radicitus euellerentur. Cumque conuentus timore mortis fugeret in Oratorium, fenestre ui uentorum passim deiecte uix in aliquo loco tutos se esse sinebant; nam ipsa oratorii tecta sunt deiecta. Prior uero specialem habens fiduciam in beata Dei Genitrice, ordinis patrona, ante eius altare cum conuentu se transtulit, clara uoce antiphonam incipiens 'Salue, regina misericordie'. Cumque tanto deuotius, quanto formidolosius illam decantarent, Dei Filius, matris ut creditur precibus placatus, maximum clementie sue signum ostendit; nam ymago crucifixi, que altari conuersorum superposita fuit, ad conuentum se conuertit. Ubi depensum est a monachis, omnes, relicto altari maiori, illuc cucurrerunt, adorantes, procidentes et cum multis lacrimis clamantes: "Saluator mundi, salua nos, perimus". Et ecce! contra naturam picture ymago Dominica cunctis intuentibus oculos clausos aperuit, conuentum respexit et tempestatem in oculorum apertione compescuit, acsi diceret: "En propter matris mee suffragia culpam ignosco". Est enim eadem tabula tanti ponderis, ut uix a sex uel octo uiris portari queat. Preterea lapidi firmiter infixa fuerat. Cumque abbati et monachis, ut sic maneret, placuisset et altera, etiam ymaginem crucifixi habens, eidem a dorso affigeretur, conuersi timentes perpetua confusione notari, ut uerteretur, uix precibus obtinuerunt. Omnium horum que diximus Gisilbertus monachus noster testis est, qui tunc temporis presens fuit. Nos eandem plagam non mediocriter sensimus. Et cum religioso conuentui de Foni eius culpa non sit inponenda, certum tamen est quod propter unam huius negligentiam aliquando prouincia puniatur uniuersa.
ReferencesRéférencesReferenzenRiferimentiReferencias
Tubach Frederic C., 1969. Index exemplorum. A Handbook of medieval religious tales, Helsinki.:
- #4167 : Salve Regina saves people. A priest, negligent with the sacraments, brought destruction upon a town; the inhabitants of the town are saved by the Virgin when they sang the “Salve Regina.” libri8-II #8 . (© Frederic C. Tubach)
- Manuscripts / editionsManuscrits / éditionsManuskripte / AuflagenManoscritti / edizioniManuscritos / ediciones:
-
- Alfons Hilka, Die Wundergeschichten des Caesarius von Heisterbach, Bonn: Hanstein, 1937, p. 88-90.
ImagesImagesBilderImmaginiImágenes (0)
Exempla in this collectionExempla dans le même recueilExempla in derselben SammlungExempla in questa stessa raccoltaExempla de la misma colección:
- TE004422 Libri VIII miraculorum: 2, 7
- TE004423 Libri VIII miraculorum: 2, 8
- TE004424 Libri VIII miraculorum: 2, 9
- TE004426 Libri VIII miraculorum: 2, 11
- TE004427 Libri VIII miraculorum: 2, 12
- TE004428 Libri VIII miraculorum: 2, 13
- TE004429 Libri VIII miraculorum: 2, 14
- TE004430 Libri VIII miraculorum: 2, 15
- TE004431 Libri VIII miraculorum: 2, 16
- TE004432 Libri VIII miraculorum: 2, 17
- TE004433 Libri VIII miraculorum: 2, 18
Download this exemplum asTélécharger le fichier de cet exemplum au formatLaden Sie die Datei dieses Exemplums im FormatScarica questo exemplum comeDescargue este documento en formato:
Les exempla du ThEMA sont mis à disposition selon les termes de la Licence Creative Commons Attribution - Pas d’Utilisation Commerciale - Partage dans les Mêmes Conditions 4.0 International.ThEMA exempla are made available under the Creative Commons Attribution-NonCommercial-ShareAlike 4.0 International License.ThEMA exempla werden unter der Creative Commons Namensnennung - Nicht-kommerziell - Weitergabe unter gleichen Bedingungen 4.0 International Lizenz.Las exempla de ThEMA están puestas a disposición en el marco de la Licencia Creative Commons Atribución-NoComercial-CompartirIgual 4.0 Internacional.Gli exempla del ThEMA sono messi a disposizione secondo i termini della Licenza Creative Commons Attribuzione - Non commerciale - Condividi allo stesso modo 4.0 Internazionale.