(Fr.) Un noble de Heimbach tomba si malade, qu'on désespérait de sa vie. Sa sœur, une femme très pieuse, pria pour lui et au même moment une personne céleste lui apparut et lui promit encore quinze années de vie. Pour montrer, que la promesse était vraie cette personne lui coupa les cheveux. L’homme se rétablit et quatorze ans plus tard prit la croix pour remercier ainsi Dieu pour sa guérison.

De nobili ui rode Hengebach, cuius uite quindecim anni superadditi sunt Aufgenommen in das Uiaticum narrationum Nr.57; s. oben S. 8 f..

In Hengebach uir quidam nobilis erat, cuius adhuc quidam in corpore superstites meminisse dicuntur. Hic quodam tempore grauiter infirmatus usque ad extrema deductus est. Cumque desperatus iaceret et agonizaret, germana eius, femina religiosa, pro salute anime eius sollicita capellam que in castro erat intrauit, cum lacrimis et contritione cordis Deo pro illo supplicans. Et ecce! illa orante, reuerenda quedam persona in spiritu agonizanti apparens ait: "Propter orationem sororis tue distulit te Dominus, et ecce! quindecim anni uite tue adiciuntur. Et ecce, ut scias uerum esse, quod dico, capillos tuos manu mea precido". Solebant tum temporis milites capillos mittere. Reuertente sorore, cum sciscitaretur a fratre, quomodo haberet, respondit ille: "Melius quam habuerim; nam propter orationes tuas et lacrimas additi sunt michi quindecim anni". Et retulit ei uisionem per ordinem et adiecit: "Ut autem uerbis meis credas, capillos meos in fenestra quere et inuenies". Quod cum factum fuisset, illa mirata expauit, sciens infirmum tempore orationis sue fuisse solum et fenestram satis ab eo remotam. Qui ab eadem hora sensim tamen conualescens, cum iam expleti fuissent quatuordecim anni, ait sorori sue: "Soror, adhuc superest annus unus de indulto michi tempore: dignum est, ut eundem saltem in diuino seruitio expendam". Qui mox pro Christi nomine crucem suscipiens, mare transiuit et, sicut ei dictum fuerat, eodem anno peregre finiuit. — Quod de rege Ezechia legimus, in nomine isto completum est. Hac michi relata sunt a quodam priore ordinis nostri, uiro religioso, qui rem sic gestam, ut dictum est, ueraciter asseruit.