Example sur glouternie.

On list qu’il fust ung hermitte de tréz bonne et sainte vie et de tréz grant abstinence. Adont le dyable le decheupt et lui dist que jamais il ne le lairoit en paix, s’il ne faisoit de trois pechiez mortelz, l’ung c'est assavoir qu’il feist fornicacion ou omicide ou qu’il fust yvres. L’hermitte lui respondist qu’il amoit mieulx soy enyvrer, car il lui sambloit qu’il le feroit a mains de mal. Prés assés de son hermittage, avoit ung mannier qu’il avoit moult chier et estoit son compere. Lequel mannier semoust au disner cel hermitte en son hostel. L’hermitte se apensa que, a ce disner, il se acquitteroit envers le dyable et ala disner avec son compere le mannier. Ilz mengerrent et burrent forment, tant que l’hermitte, son compere et sa commere, la femme du mannier, furrent tous yvres. L’hermitte s’en vault retourner en son hermitage mais il alloit tout branlant et canchelant. Le mannier dist a sa femme qu’elle [f. 233r] l’emmenast. Quant ilz furrent assés avant, elle se mist a terre et s’endormit. L’hermitte, qui estoit yvres, habita a elle. Le mannier le vit de son moulin et print une cuignie et ala a l’hermitte et le vault ochire. L’hermitte osta le cuignie au mannier et l’en occist. Or veés vous, que par yvres[t]e il fist trois grans pechiez et n’en cuidoit faire que ung, car il s’enyvra et congnut sa commere charnellement et occist son compere. C’est gloutonnie de despendre malvaisement ou plus qu’il n’appartient a son estat. Ceulx qui despendent les biens qu’i ont a oultrage pour avoir regnon d’estres largues et de vaillant gens en seront griefment pugnis et en rendront grief compte a Dieu, qui leur a prestés pour mettre en bon usaige et pour gaignier paradis.

La Vie des Peres [éd. Lecoy, SATF], Ivresse, XXIII, 35, p.270 (vol. II).

• PéchéSinSündePecadoPeccato
• DiableDevilTeufelDiabloDiavolo
• ErmitehermitEinsiedlereremitaeremita
• ivressedrunkennessBetrunkenheitborracheraubriachezza
• luxurelustUnzuchtlujurialussuria
• MeurtreMurderMordcrimenassassinio
• FemmeWomanFrauMujerDonna
• MeunierMillerMüllerMolineroMugniaio
• TentationTemptationVersuchungTentaciónTentazione
• moulinmillMühlemolinomulino

Tubach Frederic C., 1969. Index exemplorum. A Handbook of medieval religious tales, Helsinki.:

• #1816 : Drunkenness least of mortal sins. Drunkenness, although the least of the mortal sins, may lead to rape and murder. libri8-I #42; cf. EdeB # 481; Enx (G) # 56; H131 # 103, H339 # 2, H385 # 206, H417 # 30, H446 # 21, H465 # 23, H474 # 49, H500 # 279, H563 # 54, H577 # 37, H648 # 4, H690 # 45; ML # 17, # 81; Pauli # 243; Wright # 97; S.T.: J485.– Andrae, Rom. Forsch. VIII, 129; Köhler, Kl. Schr. I, 583; Krappe, Sources, p. 24 # 127 (56); K. Kilmmell, Drei italienische Prosalegenden: Euphrosyne, Eremit Johannes, König im Bade (Halle, Inaug.– Diss. 1906), pp. 38 40; Montanus, p. 583 # 167; Wickram, Rollwagenbüchlein, ed. Bolte, p. 383. (© Frederic C. Tubach)
• #5318 : Wine to tempt monks. A monk, seeking to convert Saladin, asks whether the Mohammedans refrain from meat, women, and wine. When they acknowledge the use of wine he serves them a meal without wine and tempts them with women. They resist, but after a second meal succumb to the temptation. (See also: 1816). EdeB # 481; ML # 17; cf. Spec. Laic. # 206. (© Frederic C. Tubach)