Thesaurus Exemplorum
Medii Aevi
Caesarius Heisterbacensis, Libri VIII miraculorum
INCIPIT LIBER PRIMUS MIRACULORUM
Item de Heilewige de Brusellia, quam Christus tertia parte sui sacramenti inuisibiliter communicauit.
Brusellie55 quedam habitat Hei1ewigis uocabulo56, secundum nomen suum mulier sancta plurimumque deuota. Contigit, ut die quadam communicandi desiderio estuans sacerdoti hoc indicaret. Cui ille commotus cum indignatione respondit: "Uos mulieres seculares semper uultis communicare; non enim licet57". Illa repulsam passa et tristis effeta tunc quidem siluit, sed feruens eius desiderium in auribus sponsi silere non potuit. Sacerdos uero cum hostiam fregisset in tres partes, unam ex eis sibi inuisibiliter subtractam sentiens, supra modum expauit. Circumspiciens et recogitans deuote mulieris meminit et, ne forte illi celitus esset datum et ob hoc sibi sublatum, opinari cepit. Qui mox completa missa sacras uestes festinantius exuit, feminam adiit et ad eius pedes procidens de negato beneficio ueniam postulauit. Cui mox illa confessa est dicens: "Gratias ago domino meo Ihesu Christo, qui per semet ipsum me communicare dignatus est, gratiam ab homine negatam inpertiens". Putabat enim sacerdotem scire.
- 55 Brüssel
- 56 Vgl. Dial. mirac. VI 5: 'dominam Heylekam, secundum nomen suum uere sanctam'.
- 57 A. Kaufmann, Caesarius von Heisterbach S. 176 Anm. 1 und Annalen LIII (1891), S. 244 Anm. 2 vergleicht Albertus Magnus, De eucharistia dist. VI tract. IV, cap. 3,3 (Opera ed. P. Jammy XXI, 4, Lugduni 1651, S. 139): 'De his autem, qui mulieres omni die communicant, uidetur mihi quod acriter reprehendendi sunt, quia nimio usu uilescere faciunt sacramentum uel potius ex leuitate mulierum putatur esse desiderium quam ex deuotione causatum'.
