О девице согрешившей и истинным к покаянию навращением помилованней. Девица некая от прилога вражия безстудно разсвирепевшему похотию на ню отцу дадеся наглаголати и грех нечистый сотвори. Мати же ея егда о сем уведа, за сие зле ю мучише. Девица же, виде, яко грех ея сотворися явен, нача о сем печаловати, не хотяше лишитися погибелнаго греха от диавола подстрекаема, матерь умысли погубити и конечно умысли отраву подати, еже и сотвори. Отцу ея некамо отъехавшу, она же матерь умори. Егда же отец ея в дом приеде и уведа бывшее, дщерь свою остро обличая и люте казня. Девица же виде, к чему прииде, в лютое безсрамие и жестосердие прииде и отачаянием помрачися, детели бесовстей последуя, и отца таковым же удобством уби, и толико зла содеявши, и корысть демонска явственно бывши, нача грехи на грехи прилагати, явленною блудницею жити нача безстудно и многи притяжа рачители беззаконию своему. И некогда в знаменитый день прииде ей на мысль ко церкви божий прийти и впаде в двоемыслие: едина мысль итти понуждает, другая же, иже от сатаны, возвращает. Обаче понудися итти, и егда вниде во церковь, случися священнику слово предложити о непобедимем человеколюбии божии, неизреченными приклады милосердие божие показуя . И тако благость божию ославляя приложи, иже несть под небесем ни единаго грешника, в различный грехи и великия впадшаго, ему же несть надежды доступити милосердия божия, и несть грех побеждающ его человеколюбие. Зерно слова божия паде на добрую землю, в сердце оной девице. Егда же наказание учителю окончавшу, с великим умилением приступи ко священнику смиренно и любочестно вопрошает: «Скажи,— рече,— мне, благочестивый учителю, аще истинная правда, иже о милосердии божий ко грешником предсказал еси?» Священник же, яко добрый пастырь, хотя взыскати и привести архипастырю Иисусу Христу заблуждьшую овцу тоньчайшими частьми о сем той разположи и велие желание к покаянию приложи, ибо сие егда услыша, слезы яко реку от очес испущая, рече: «Аще сие истинна, яко несть грех побеждающ милосердие божие, и воистинну верую, яко тако есть, молю тя, всечестнейший и святый отче, слышатель и свидетель и судия буди нечестивым моим прегрешениям и послушав покаяния моего, яко же рекл еси, разреши мя и буди о мне грешнице предстатель к толико милосердому отцу богу благоутробному». Иерей же, слышав от девицы сие, не вем како время до размышления о ней прося, до утрия покаяние ея отложи. Она же рече: «Что се, отче и учителю? Како толикое благоутробие божие ко грешником предсказав и являешися о моем избавлении сомнителен?» Отвеща иерей: «Ни, дщи, ни, но добра души твоей желаю, хощу, да заутра приидеши ко мне еще слышати слово спасения и по сем избавления твоего покаяние исполниши». Девица же, слышав сие, не воспрекослови иерею, но толико рачением покаяния победися, размышляя своя великая согрешения и божие непобедимое благоутробие, ибо с места не може поступити на нем же стоя, тако нача плакати и рыдати, тако сетовати и воздыхати, помост церковный весь слезами поли. И тако в толиком сокрушении и слезах и воздыхании непремолчном душу свою господеви предаде. Прежде же помянутый иерей, егда услыша сия, страхом великим объят быв, всему братству и церковному собранию во своем покаянии отвлачения и отпущения ея согрешений повеле молитися и сам купно со всеми со многими слезами моля великаго бога. И егда тако всем молящимся, прииде с небесе глас, глаголющ: «Не требую вашея молитвы за сию, но паче она да помолится о вас и милость мою испросит».

Wielkie Zwierciadło Przykładów [ed. Kraków, 1621], Miłosierdzie Boże, III.

• IncesteIncestBlutschandeIncestoIncesto
• filledaughterTochterhijafiglia
• PèreFatherVaterPadrePadre
• MèreMotherMutterMadreMadre
• poisonpoisonGiftvenenoveleno
• prostitutionprostitutionProstitutionprostituciónprostituzione
• contritioncontritionReuecontricióncontrizione
• ConfessionConfessionBeichteConfesiónConfessione
• MortDeathTodMuerteMorte
• PrêtrePriestPriesterSacerdotePrete
• miséricordemercyBarmherzigkeitmisericordiamisericordia

Tubach Frederic C., 1969. Index exemplorum. A Handbook of medieval religious tales, Helsinki.:

• #2729 : Incest, daughter and father. A woman killed her parents and her three sons, begotten through an illicit affair with her father. The bishop saw her enter church with an iron ring around her neck and devils attached to it, but she died in church with a contrite heart. (See also: 2731, 2739). Aev. # 39. (© Frederic C. Tubach)
• #2739 : Incest, parenticide, heart bursts. A girl commits incest, murders her child and both her parents, and lives as a wanton. Her heart bursts as she kneels before an altar of the Virgin, and a voice tells her confessor that she is in heaven. (See also: 2729, 2731). H259 # 72. (© Frederic C. Tubach)