Отчаявыйся грешник прилежанием некоего пустынника покаяся. Некий человек бе плотолюбец преизлишния и премногия грехи умножи, и той приближися ко вратом смертным. Друзи же и сродницы умолиша отца некоего, в пустыни живуща, да наглаголет его покаятися и направит и той сам да послушает изречения грехов его. И отшелник послуша моления их, прииде. Болный же токмо егда узре его, рече: «Отиди от мене и иди во свое место, ибо преизлишне грехов моих, неже милосердия божия». И рече святый монах: «Не глаголи сего, не глаголи, человече и возлюбленное чадо! Велика бо сила покаяния. Аще убо добре попечешися о всех гресех своих, аз ти поручник, яко господь отпустит ти. Аз, рече, обнажю себе от всех добрых дел и дам тебе сие, ты же такоже совлецыся от всех злых дел твоих и дай ми их,— аз убо прииму на ся вся грехи твоя. Отверзи всякое сомнение и страсть отчаяния». Он же уверися со старцем и изволи исповедати грехи своя. И егда нача исповедатися, многия и стращныя грехи своя сказа, и ничто же остави. ниже утаи. И по исповедании рече мних: «Обещаеши ли ся имети печаль о них и епитимию и сия вся исправит и яко да будет покаяние твое таинственно?» Отвеща грешный: «Зело хощу!» И пустынник рече: «И аз тя разрешаю во имя отца и сына и святаго духа!» И тако за сим человек оный умре и по четыредесяти днех показася оному святому пустыннику, извествуя, яко есть на пути спасения и избавления. Пустынник же вопроси: «Что бысть от добродетелей моих, их же тебе совлекохся?» И рече умерший явивыйся: «Стократно приплоди тебе господь, за еже отчаяния мя избави и к покаянию привлекл мя еси».

ce récit est peut-être un ajout de la traduction russe à partir de sources occidentales ou byzantines.

• ErmitehermitEinsiedlereremitaeremita
• DésespoirDespairVerzweifelungDesesperaciónDisperazione
• ConfessionConfessionBeichteConfesiónConfessione
• ApparitionApparitionErscheinungApariciónApparizione
• salutsalvationHeilsalvaciónsalvezza